ស្ថានភាពរបស់ Man United ហាក់មិនសូវបានល្អប្រសើរឡើយ ជាពិសេសសំពាធនេះកំពុងធ្លាក់ខ្លាំងទៅលើគ្រូបង្វឹកលោក Solskjare ដោយ២ប្រកួតចុងក្រោយនេះ ទំរង់របស់ក្លឹបពិតជាយ៉ាប់យ៉ឺនខ្លាំងមែនទែនចាញ់ Arsenal ក្នុងលទ្ធផល២ទល់នឹង ០ ក្នុងលីកផងនិងស្មើប្រកួតជាមួយនឹង Wolve ផងក្នុងពានរង្វាន់ FA Cup ។
ខែមករានេះនឹងក្លាយជាខែ ដែលលោក Solskjare គេងមិនលក់ឡើយ ដោយក្នុងនោះ Man United នឹងមានកាលវិភាគ រ៉ាប់រងការប្រកួតដល់ទៅ ៨ ប្រកួត ក្នុងរយៈពេលតែ២៥ថ្ងៃប៉ុណ្ណោះ ដោយក្នុងនោះមួយប្រកួតយប់មិញ បញ្ចប់រួចរាល់ហើយស្មើជាមួយនឹង Wolve នោះ។
គ្រូបង្វឹករូបនេះ ក៏បានសារភាពផងដែរ ថាកូនក្រុមរបស់លោក បានអស់កម្លាំង តាំងតែពីប្រកួតជាមួយនឹង Wolve រួចទៅហើយហើយ ជាលទ្ធផលឃើញស្រាប់គឺមិនមានគ្រាប់បាល់ណា ស៊ុតចំគោលដៅឡើយ ដែលវាបានក្លាយ ទៅជាប្រកួតទី២ហើយ ក្នុងប្រវត្តិសាស្ត្ររបស់ក្លឹប ជាមួយតួលេខមួយនេះ៕
ប្រែសម្រួល:ស៊ុនលី
