កីឡាករខ្សែការពារ Merih Demiral ត្រូវបានគេមើលឃើញថា បានបង្ហាញពីទំរង់ដ៏ល្អសម្រាប់ក្លឹបJuventus នារដូវកាលនេះ ជាពិសេសពេលដែលរូបគេ ចាប់ផ្តើម
ចាប់ដៃគូគ្នាជាមួយ នឹងកីឡាករខ្សែការពារថ្លៃបំផុត Matthijs de Ligt ប៉ុន្តែមកដល់ពេលនេះសំណួរ ដែលបានចោទសួរថា តើអនាគតដ៏វែងឆ្ងាយ របស់គេជាមួយនឹងក្លឹប
ស្ថិតនៅក្នុងស្ថានភាព បែបនេះគឺមិនទាន់មាន អ្នកណាហ៊ានបញ្ជាក់នោះឡើយ។
កន្លងមកមានការទាក់ទង ពីសំណាក់ក្លឹបធំៗ ជាច្រើននៅអ៊ឺរ៉ុបក្នុងនោះ Leicester City ក្រោមការដឹកនាំរបស់លោក Brendan Rodger បានធ្វើការទាក់ទង សុំចចារ
ទិញកីឡាកររូបនេះ២ដង មកហើយប៉ុន្តែបានត្រឹម ទទួលការបដិសេធប៉ុន្តែ មកដល់ពេលនេះក្លឹបមួយនេះ នៅតែមិនទាន់បានបោះបង់ចោល ការងារនេះនៅឡើយហើយមិនត្រឹមតែ ប៉ុណ្ណោះកំពុងប្រឈមមុខ ទៅនឹងគូប្រជែងគឺក្លឹប Man Cityផងដែរ។
ទោះបីជាទើបអាចបង្ហាញខ្លួន ឲ្យក្លឹបបានតិចនៅឡើយ ក្តីប៉ុន្តែJuventus មិនមានបំណងលក់កីឡាករខ្សែការពារ រូបនេះចេញក្នុងតម្លៃធូរថ្លៃ ឡើយដោយក្នុងនោះខ្លួនបាន
បដិសេធសំណើរជាទឹកប្រាក់២៥លានផោន ម្តងនិង៣៤លានផោន ម្តងហើយពីក្លឹប Leicester City ៕
