The Mirror នៃចក្រភពអង់គ្លេស ចេញផ្សាយនៅថ្ងៃអាទិត្យនេះ បានសរសេរថាក្លឹបបិសាចក្រហម Man United គឺទំនងជានឹងបាត់បង់ កីឡាករគោលដៅម្នាក់ទៀត គឺ Donny van de Beek ទៅឲ្យក្លឹបយក្សអេស្បាញ Real Madrid ជាមិនខានទោះបីជាបានខិតខំប្រឹងប្រែង នាពេលកន្លងមកក្តីដូច ដែរកាលបាត់បង់ Haaland ទៅ ឲ្យDortmund ដែរ។
កន្លងមកទាំង Ajax និង Man United ហាក់បីដូចជាយល់ព្រមនឹងគ្នា ហើយក្នុងការធ្វើឲ្យកុងត្រាផ្ទេរ កីឡាករវ័យក្មេងហូឡង់រូបនេះ មកអង់គ្លេសកើតឡើងក្នុងតម្លៃខ្លួន ត្រឹមតែ២០លាន ផោន ដែលក្លឹបអង់គ្លេសនេះបានដាក់ ជាសំណើរប៉ុន្តែជឿជាក់ថា ការងារនេះនឹងអាច ប្រែប្រួលនៅពេលដែល Real Madrid ក៏បានចូលខ្លួនមកជ្រៀតជ្រែកផងនោះ។
ប្រភពដដែលអះអាងថា ភាគរយដល់ទៅ៨០ភាគរយដែល van de Beek អាចនឹងផ្លាស់ទៅ Bernabeu ជំនួសវិញដោយសារតែ Real Madrid បានដាក់សំណើរជាទឹកប្រាក់ រហូត ទៅដល់៤៧លានផោន ដែលមានទំហំគុណ នឹងធំជាងអ្វីដែល Man United ហ៊ានឲ្យកន្លងមកនោះ៕
ប្រែសម្រួល៖ស៊ុនលី
