ភ្នំពេញ៖អ្នកប្រដាល់ជើងខ្លាំង មឿន សុខហ៊ុច ក្លិបពុទ្ធសេរីវង្សខណ្ឌពោធិសែនជ័យ ប៉ះខ្លាកំណាច់ឆ្លងដែន Phat Alin ប្រភេទទម្ងន់៦៣,៥០គីឡូក្រាម រីឯអ្នកប្រដាល់ យ៉ុន ដារ័ត្នក្លិប រាជសីហ៏ ខេត្ត រតនៈគីរីជួបជាមួយអ្នកប្រដាល់ខ្លាចាស់ថៃ Pravith ប្រភេទទម្ងន់៦៣,៥០គីឡូក្រាម នៃព្រឹត្តិការណ៍ប្រដាល់ដណ្តើមខ្សែក្រវាត់ខារ៉ាបាវនៅលើសង្វៀន SEATV នារសៀលថ្ងៃសៅរ៍ ទី១៨ ខែមករា ឆ្នាំ២០២០នេះ។
លោក ញាណ សុធី អ្នកចាត់ចែងកម្មវិធីប្រដាល់ប្រចាំ SEATV បានឲ្យដឹងថា Phat Alin ជាអ្នកប្រដាល់ថៃរូបជើងខ្លាំងមួយរូប ដែលមិនជាស្រួលទប់ទល់នោះទេ តែសម្រាប់ង្នកប្រដាល់កម្ពុជាសុខហ៊ុចវិញនោះក៏កាន់តែអស្ចារ្យណាស់ទៅទៀត ។
សុខហ៊ុចមួយរយៈនេះមានការធ្លាក់ចុះច្រើន ដោយសារតែគេប្រកួតជាប់គ្នា រៀងរាល់សប្ដាហ៍ពេកធ្វើឲ្យកម្លាំង និងបច្ចេកទេសរបស់គេស្រុតចុះតែម្ដង ប៉ុន្តែកណ្ដាប់ដៃ និងស្នៀតជើងរបស់គេនូវខ្លាំងដដែល ព្រមទាំងមានកម្លាំងគ្រប់ក្រាន់ ដើម្បីតស៊ូជាមួយគូប្រកួតបាន ៥ ទឹកពេញដោយគ្មានបញ្ហា។
ចំពោះ Phat Alin មានកម្លាំងគ្រប់ក្រាន់ ដើម្បីតស៊ូជាមួយគូប្រកួតបាន ៥ ទឹកពេញដោយគ្មានបញ្ហាជាមួយមឿន សុខហ៊ុចដូចគ្នា ដោយសារតែអ្នកប្រដាល់មានកណ្ដាប់ដៃ ធ្ងន់ជាងមឿន សុខហ៊ុចទៅទៀត ។
ដូច្នេះអ្នកប្រដាល់ទាំង២រូបនេះ បើនរណាហានមើលស្រាលគូប្រកួតច្បាស់ជាគ្រោះថ្នាក់ហើយ ។
ចំណែកអ្នកប្រដាល់ យ៉ុន ដារ័ត្ន ក្លិបរាជសីហ៏ខេត្ត រតនៈគីរីជួបជាមួយអ្នកប្រដាល់ខ្លាចាស់ថៃ Pravith ប្រភេទទម្ងន់៦៣,៥០គីឡូក្រាម។អ្នកប្រដាល់ថៃ Pravith ជាអ្នកប្រដាល់ដែលសំបូរកលល្បិចគ្រាន់បើដែរ ហើយរូបគេមានរបៀបវ៉ៃរបស់គេគឺវ៉ៃដោយមិនបង្ខំ គេវ៉ៃចេញមួយៗ តែច្បាសាំហើយវ៉ៃចេញភាគច្រើនចំគោលដៅបានល្អ ថែមទាំងប្រកួត១០០ដង ឈ្នះ៨២ដង ចាញ់១៦ដង និងស្មើពិន្ទុ២ដង។
អ្នកប្រដាល់ថៃរូបនេះ មានសមត្ថភាពបច្ចេកទេស ប្រដាល់កម្រិតខ្ពស់ដែលសូត្រ ខេវិន មិនអាចមើលស្រាលបានឡើយ។ ចំពោះន ដារ័ត្ន ព្យាយាមស្ដារកេរ្តិ៍ឡើងវិញសម្បើមណាស់តែអ្វីៗ នៅមិនទាន់វិលមក ដូចដើមនៅឡើយទេ បន្ទាប់ពីស្រុតចុះខ្លាំងនោះស្ទើរតែគ្រប់សង្វៀនទាំងអស់ មិនមានសង្វៀនណាមួយផ្ដល់ឱកាសឲ្យអ្នកប្រដាល់រូបនេះបានឡើងប្រកួតឡើយ ។ ប៉ុន្មានប្រកួតចុងក្រោយនេះគេធ្វើបាន ល្អខ្លះនិងមិនបានល្អខ្លះ ។
អ្នកប្រដាល់ល្អទាំងការការពារ ទាំងការវាយលុកតែជើងក្រោម របស់ន ដារ័ត្នមិនជារឹងមាំនោះទេតែ បន្ទាប់ពីគេព្យាយាមហ្វឹកហាត់ឡើងវិញនោះ គូប្រកួតក៏មិនងាយនឹងវាយប្រហារជើងគេបានឡើយ ព្រមទំាងប្រកួត៧៤លើក ឈ្នះ៦៣លើក ចាញ់១១លោក និងមិនដែរស្មើ ៕ ដោយ៖លី ភីលីព
