The Sunsports ចេញផ្សាយនៅថ្ងៃសុក្រទី១៧ ខែមករានេះ បានសរសេរថាអ្នកគាំទ្ររបស់ក្លឹបតោខៀវ Chelseaកាន់តែច្រើនឡើង បាននាំគ្នាសរសើរនិងបង្ហោះសុំឲ្យក្លឹបរបស់ខ្លួន ក្នុងការពិចារណានាំយកកីឡាករខ្សែបម្រើប្រយុទ្ធឆ្នើម ប្រេស៊ីល Oscar មករួមក្លឹបវិញ ក្រោយពេលដែលកីឡាកររូបនេះ បានបង្ហោះរូបអនុស្សាវរីយពេល កំពុងលេងជាមួយនឹង WilliamនិងLampard ។
Oscar បានសម្រេចចិត្តទាំងគួរឲ្យភ្ញាក់ផ្អើល កាលពីឆ្នាំ២០១៧ ក្នុងការផ្ទេរទៅលេងជាមួយនឹងក្លឹប នៅលីកប្រទេសចិនក្នុងតម្លៃខ្លួន៦០លានផោន និងប្រាក់កម្រៃដ៏ច្រើនសន្ធឹកសន្ធាប់បន្ទាប់ពីបានជួយឲ្យ Chelsea អាចលើកពានជាច្រើនរួចមកហើយនោះ ។
អ្នកគាំទ្រដែលបានត្រឹមតែភ្ញាក់ផ្អើល នាគ្រានោះមិនបានបន្ទោសរូបគេឡើយ តែបានថែមទាំងសរសេរនិងបង្ហាញអារម្មណ៍ ចង់ឲ្យOscarវិលត្រឡប់មកវិញផងដែរ ។ គួរបញ្ជាក់ថា Oscar នៅStamford Bridge បានជួយឲ្យក្លឹបលើកពាន Primer League ផងពានLeague Cupផងនិងពានរង្វាន់ Europa League ផង៕
ប្រែសម្រួល៖ស៊ុនលី
