កាសែតអង់គ្លេស The Sunsports ជឿជាក់ថាក្លឹបបិសាចក្រហម Man United ត្រៀមជម្រុះកីឡាករធ្លាក់ជើងៗ ចេញបន្ថែមទៀតនៅក្រោយពេល ដែលក្លឹបបានបរាជ័យផ្ទួនៗ ក្នុងការប្រកួតក្នុងលីក៤ដង ចុងក្រោយនេះហើយក្នុងនោះ ក៏មានខ្សែការពារស្លាបម្នាក់ គឺកីឡាករ Marcos Rojo ផងដែរ។
ប្រភពដដែលអះអាងថា Man United បានត្រៀមខ្លួនរួចរាល់ហើយក្នុងការអនុញ្ញាតិ ឲ្យកីឡាកររូបនេះចាកចេញទៅលេងជាមួយនឹងក្លឹប នៅលីកកំពូលអាហ្សង់ទីន Estudiantes ក្នុងលក្ខណ្ឌខ្ចីជើងហើយក៏ជាក្លឹបដែលមានបំណងចង់ចុះ កុងត្រាទិញយកកីឡាកររូបនេះ ដាច់ផងដែរទៅទីនោះ។
Estudiantes គឺជាក្លឹបចាស់របស់ Rojo ដែលធ្លាប់រួមស់ជាមួយគ្នាតាំងតែ ពីពេលនៅក្នុងឈុតយុវជនហើយក្រោយមក បានបង្ហាញខ្លួនឲ្យឈុតធំ បាន៥៣ដងមុនពេលផ្ទេរ ទៅ Spartak Moscow ក្នុងខែធ្នូឆ្នាំ២០១០។
កីឡាករវ័យ២៩ ឆ្នាំរូបនេះ ក្រោយមកបានចូលរួម ជាមួយនឹងក្លឹប Sporting Lisbon ក្នុងឆ្នាំ២០១២ ហើយពីរឆ្នាំក្រោយ ក៏បានផ្លាស់ទៅ លេងនៅ Old Trafford រហូតមកដល់ពេលបច្ចុប្បន្ន ក្នុងតម្លៃខ្លួនប្រមាណ ជា១៦លានផោន៕
ប្រែសម្រួលៈស៊ុនលី
