ក្រោយផ្ទេរទៅលេងអ៊ីតាលី ក្នុងលក្ខណ្ឌខ្ចី ជើងមួយរយៈមកទំរង់ លេងរបស់ Chris Smalling ត្រូវបានគេមើលឃើញថា មានភាពល្អប្រសើរឡើងវិញ ប៉ុន្តែជឿជាក់ថាទំនងជានឹងមិន ផ្ទេរមកអង់គ្លេស ជាមួយនឹងក្លឹបបិសាចក្រហម Man United វិញឡើយ។
វ័យកាន់តែជ្រេ៣០ឆ្នាំ ទៅហើយ Smalling ទីបំផុតត្រូវបានក្លឹបបិសាចក្រហម Man United បានបើកភ្លើងខៀវអនុញ្ញាតិឲ្យរូបគេបន្តលេងជាមួយនឹង Roma ហើយប៉ុន្តែយ៉ាងណាមិញក្លឹបអង់គ្លេសនេះ ក៏បានបញ្ជាក់ដែរថាតម្លៃរបស់ កីឡាករអង់គ្លេសរូបនេះ គឺមិនអាចក្រោម ១៥លានផោនឡើយ។
រំលឹកដែរថា Smalling បានផ្ទេរទៅលេងនៅ Roma ក្នុងលក្ខណ្ឌខ្ចីជើង កាលពីខែសីហា ក្រោយការមកដល់របស់ កំពូល កីឡាករខ្សែការពារ ថ្លៃបំផុត របស់លីកអងគ្លេស Harry Maguire។ លេងបាន២២ដង នៅក្លឹបថ្មីកីឡាកររូបនេះ មិនត្រឹមតែអាចជួយរារាំង បាល់ជាច្រើនគ្រាប់ប៉ុណ្ណោះទេ ថែមទាំងអាចស៊ុតបញ្ជូលទីបាន ២គ្រាប់ផងដែរ៕
ប្រែសម្រួល៖ស៊ុនលី
