គួរឲ្យដឹងថា កីឡាករខ្សែប្រយុទ្ធវ័យក្មេងអង់គ្លេស Greenwood ក្នុងវ័យ១៨ឆ្នាំអាចរកគ្រាប់បាល់បាន ១០គ្រាប់មកហើយសម្រាប់ការប្រកួតក្នុងលីករបស់ ក្លឹបនៅរដូវកាលនេះហើយត្រូវបានគេមើលឃើញថា នឹងក្លាយទៅជាកីឡាករដ៏មានអនាគតល្អម្នាក់ ជាមួយនឹងក្លឹបបិសាចក្រហម Man United។
គេបានដឹងមកហើយថា កីឡាកររូបនេះទើបតែបានបង្ហាញខ្លួនជាមួយ នឹងឈុតធំរបស់ក្លឹបនៅរដូវកាលនេះហើយ ក៏បានសម្រេចចិត្តមិនធ្វើការជាមួយ នឹងភ្នាក់ងារកីឡាករល្បីៗណាឡើយដែរ ក្រៅតែពីឪពុកបង្កើតរបស់គេ។
ខណៈដែលកីឡាករខ្សែប្រយុទ្ធជួរមុខ Marcus Rashford កំពុងទទួលរងរបួសនោះគេជឿជាក់ថា Greenwood នឹងទទួលបានឧិកាសដ៏កម្រក្នុងការបង្ហាញខ្លួន កាន់តែញឺកញាប់ជាងមុននិងក្លាយទៅជាកីឡាករជម្រើសទី១ ក្នុងឈុតក្រោម២១ឆ្នាំរបស់ អង់គ្លេសផង។
នៅថ្ងៃនេះកាសែតអង់គ្លេស The Mirrorបានសរសេរថាកីឡាករ ផ្ទាល់និងឪពុករបស់គេបានសម្រេចចិត្ត ច្បាស់ហើយថានឹងបន្តនៅជាមួយនឹងក្លឹប សិនទោះបីជាមានភ្នាក់ងារកីឡាករលំដាប់ អន្តរជាតិជាច្រើនបានព្យាយាម ទាក់ទងជាមួយនឹងកីឡាករនេះក្តី៕
ប្រែសម្រួល៖ស៊ុនលី
