មកដល់សប្តាហ៍នេះកាសែតអង់គ្លេស The Mirror នៃចក្រភពអង់គ្លេសបានជឿជាក់ថាក្លឹបយក្សអាល្លឺម៉ង់ Bayern Munich បានបង្ហាញបំណងចង់បាន កីឡាករខ្សែប្រយុទ្ធរបស់ក្លឹបហង្សក្រហម Liverpool ខ្លាំងបំផុតដោយសារតែ Lewandowski ក្នុងវ័យ៣២ឆ្នាំនោះគឺកាន់តែខិតជិតមកដលផ្លូវចែកគ្នាហើយ។
តាមពិត Bayern Munich មានផែនការដ៏ធំមួយ ដើម្បីធ្វើបដិវត្តក្លឹបនៅចុងរដូវកាលនេះ ដោយក្នុងនោះក៏មានគោលដៅនាំយក កីឡាករខ្សែប្រយុទ្ធរបស់ក្លឹបមេឃខៀវ Man Cityកីឡាករ Leroy Sane ផងដែរ ដើម្បីមកចាប់ដៃគូជាមួយនឹង Firmino។
គួរឲ្យដឹងដែរថាតាមរយៈកុងត្រាបច្ចុប្បន្នគេជឿជាក់ថាកីឡាករប្រេស៊ីលដ៏ល្អនេះ មានតម្លៃខ្លួនប្រមាណជា៧៥លានផោន ហើយកំពុងក្លាយគោលដៅរបស់ក្លឹបធំៗ ផ្សេងទៀតនៅអ៊ឺរ៉ុបផងដែរ៕
ប្រែសម្រួល៖ស៊ុនលី
