ពិតជាអត្ថបទគួរ ឲ្យចាប់អារម្មណ៍មួយ នៅពេលដែលវិរៈបុរស របស់ក្លឹបលោក Paul Scholes បានលើកឡើងថាប្រសិនបើ ជាវត្តមាន របស់លោក Sir Alex Ferguson វិញនោះលោកនឹងមិនអនុញ្ញាតិឲ្យ Pogba ហាត់តែម្នាក់ឯង ដាច់ដោយឡែកដូចលោក Solskjare កំពុងធ្វើបច្ចុប្បន្ននេះឡើយ។
គួរឲ្យដឹងដែរថា កីឡាករម្ចាស់ ជើងឯកពិភពលោករបស់បារាំង Paul Pogba រូបនេះត្រូវបានគេដឹងថាកំពុងតែបន្ត ធ្វើការហ្វឹកហាត់នៅទីលាន Nad Al Sheba ក្នុងទីក្រុងឌុបៃរបស់អារ៉ាប់ នៅឡើយខណៈដែលមិត្តរួមក្លឹបផ្សេងទៀត កំពុងបន្តហ្វឹកហាត់ នៅអេស្បាញនោះ។
កីឡាករវ័យ២៦ឆ្នាំរូបនេះ បានបន្តអវត្តមានដោយសារ របួសតាំងតែពីប្រកួតចុងក្រោយ នៅថ្ងៃ Boxing Day ប៉ះនឹង Newcaslte មកម្ល៉េះហើយបានបន្តសម្រាកព្យាបាលរហូតមក ដល់បច្ចុប្បន្ននិងទោះបីជាបានធូរស្រាលហើយក្តី ក៏នៅតែមិនទាន់ អាចត្រឡប់មកហ្វឹកហាត់ ជាមួយនឹងក្លឹបដដែលខណៈដែល ព័ត៌មាន ផ្ទេរចេញពីអង់គ្លេសទៅ Real Madrid ឬ Juventus ក៏កាន់តែខ្លាំងឡើងផងដែរ៕
ប្រែសម្រួល៖ស៊ុនលី
