ទីបំផុតក្រោយលេចឬព័ត៌មាន អំពីការផ្ទេរចេញពីក្លឹបយក្សអេស្បាញ Real Madrid នាពេលកន្លងមកពេលនេះកាសែតអង់គ្លេស The Sun បានចេញផ្សាយថាកីឡាករ Isco នឹងអាចចាកចេញក្នុងតម្លៃប្រមាណជា៦៣លានផោនខណៈដែល Arsenal និង Chelsea កំពុងតាមដានស្ថានភាព។
តាមពិតមូលហេតុដែលនាំឲ្យ Real Madrid បានចាប់ផ្តើមពិចារណាក្នុងការលក កីឡាករអេស្បាញរូបនេះគឺដោយសារតែ Isco នឹងអាចនាំយកប្រភពទុនកាន់តែច្រើនឡើង សម្រាប់ក្លឹបក្នុងការទៅចចារជាមួយនឹងក្លឹបបារាំង PSG នាំយកកីឡាករខ្សែប្រយុទ្ធវ័យក្មេងថ្លៃបំផុតលើលោក Kylian Mbappe មកទីនេះក្នុងរដូវក្តៅខាងមុខ។
ការលក់ Isco តែម្នាក់ឯងនឹងមិនគ្រប់គ្រាន់ឡើយសម្រាប់ Zidane ក្នុងនាមជាគ្រូបង្វឹកក្លឹប ដើម្បីអាចចចារទិញ Mbappe មកបាននោះ។កីឡាករ Isco វ័យ២៧ឆ្នាំនៅតែមានទីផ្សារខ្លាំងនៅឡើយ ដោយសារទំរង់លេងដ៏ល្អរបស់គេ នៅក្នុងតំបនខ្សែបម្រើប្រយុទ្ធដែលក្នុងនោះសូម្បីតែ Man City ក៏ចង់បានរូបគេដែរ៕
ប្រែសម្រួល៖ស៊ុនលី
