ខ្សែប្រយុទ្ធឆ្នើមសញ្ជាតិអង់គ្លេស Jadon Sancho ត្រូវបានគេដឹង យ៉ាងច្បាស់ហើយថា គឺជាកីឡាករកំពុងមានឈ្មោះ ជាគោលដៅរបស់ក្លឹបធំៗជាច្រើន នៅអ៊ឺរ៉ុបបូករួមទាំង Man United, Liverpool, និង Chelsea ផងដែរ។
ទោះបីជាការសម្រេចចិត្ត នៅមិនទាន់ធ្វើការអះអាង ឬបង្ហើបប្រាប់ក្តីប៉ុន្តែសារព័ត៌មានជាច្រើន បានជឿជាក់ថាកីឡាករ១៩ឆ្នាំរូបនេះ គឺនឹងត្រូវតែចាកចេញពី Dortmund ហើយនៅបញ្ចប់រដូវកាលនេះក្នុងតម្លៃខ្លួនប្រមាណរហូត ទៅដល់ជាង១២០លានផោន។
ទោះយ៉ាងណាក្តីទាំងភ្នាក់ងារកីឡាករ និងបងប្អូនក្រុមគ្រួសាររបស់ Sancho បានសម្រេចចិត្តរួចទៅហើយអំពីអនាគត របស់គេហើយក្នុងនោះដែរជាសារសម្រាប់កីឡាករផ្ទាល់ វិរៈបុរសម្នាក់របស់ក្លឹបបិសាចក្រហម Man United គឺលោក Berbatov បាននិយាយថា Sancho ត្រូវតែសម្រេចចិត្តឲ្យច្បាស់ថា តើក្លឹបថ្មីអាចផ្តល់ឲ្យគេនៅជម្រើស១១នាក់ដំបូងដែរឬទេ ហើយត្រូវប្រុងប្រយ័ត្នថាអាយុ១៩ឆ្នាំនេះ គឺស្ថិតនៅក្នុងកម្រិតបទពិសោធវ័យក្មេង នៅឡើយមិនអាចមើលងាយលីកណាមួយឡើយ៕
ប្រែសម្រួល៖ស៊ុនលី
