បរទេស៖តោខៀវ Chelsea បានបាត់បង់កីឡាករឆ្នើមបំផុតម្នាក់របស់ខ្លួនក្នុងប្រវត្តិសាស្ត្រ កាលពីរដូវក្តៅកន្លងទៅហើយ បច្ចុប្បន្នក្លឹបនៅតែកំពុងបន្តស្វែងរកមនុស្សម្នាក់ ដើម្បីមកបំពេញតំណែងមួយនេះ។
Hazard បានផ្ទេរទៅលេងឲ្យ Real Madrid ដើម្បីសម្រេចគោលដៅមួយជាមួយនឹងក្លឹប ដែលជាក្តីស្រមៃរបស់ខ្លួនតាំងតែពីវ័យក្មេង ។ មកដល់សប្តាហ៍នេះកាសែតបានចេញផ្សាយ ព្រោងព្រាតថាទីបំផុត Chelsea គឺអាចទិញយកបានកីឡាករ Ziyech ពីក្លឹប Ajaxជា ផ្លូវការហើយរងចាំតែពេលវេលាផ្ទេរមកដល់ប៉ុណ្ណោះ ។
ទោះបីជាយ៉ាងណាមុនការមកដល់នេះ មានអ្នកគាំទ្រនិងបុគ្គលសំខាន់ បានសរសើរមិនដាច់ពីមាត់អំពីសមត្ថភាពរបស់ Ziyech ពេលដែលកំពុងបំពេញភារៈកិច្ចឲ្យ Ajax ប៉ុន្តែពួកគេមិនបានប្រៀបធៀបកីឡាកររូបនេះនឹងទៅ Hazard ឡើយជាក់ស្តែងគេបានជឿជាក់ថា Ziyech នឹងអាចបង្ហាញទំរង់លេងដូចទៅនឹង Robben ដែលធ្លាប់បានធ្វើនៅទីនេះ អស់រយៈពេលជាង១៣ឆ្នាំមកហើយនោះទៅវិញទេ៕
ប្រែសម្រួល៖ស៊ុនលី
