មកដល់ពេលនេះក្លឹបបិសាចក្រហម Man Unitedនិងក្លឹបReal Madrid នៅតែបន្តប្រជែងគ្នាក្នុងការចចារទិញយកកីឡាករ Donny van de Beekហើយកីឡាកររបស់ក្លឹបAjaxរូបនេះ នឹងធ្វើការសម្រេចចិត្តអំពីអនាគតរបស់ខ្លួន ក្នុងពេលដ៏ឆាប់នេះបំផុត។
កាសែតអង់គ្លេសThe Mirrorនៃចក្រភពអង់គ្លេសនៅថ្ងៃអង្គារនេះ បានសរសេរថាកីឡាករvan de Beekនឹងធ្វើការសម្រេចចិត្ត ក្នុងការផ្ទេរចេញពីហូឡង់ ក្នុងរយៈពេលយ៉ាងហោចណាស់ប៉ុន្មានសប្តាហ៍ទៀតប៉ុណ្ណោះ ជាពិសេសដោយសារតែមិត្តរួមក្លឹបរបស់គេម្នាក់ គឺកីឡាករHakim Ziyechនោះក៏បានសម្រេចចិត្តរួចរាល់ហើយ ក្នុងការផ្ទេរទៅលេងឲ្យChelseaនៅរដូវក្តៅខាងមុខ ។
មានការលើកឡើងថាកីឡាករ van de Beekនឹងសម្រេចចិត្តទៅលេងនៅ Man UnitedខណៈដែលPaul Pogbaនឹងកាន់តែកៀកនឹងការចាកចេញពីទីនេះទៅហើយនោះ ។ សមត្ថភាពរបស់van de Beek គឺពិតជាអាចជំនួសតំណែង របស់PogbaបាននៅOld Trafford ដោយចាប់ដៃគូគ្នាជាមួយនឹង Fernandes៕
ប្រែសម្រួល៖ស៊ុនលី
