ក្រោយជ័យជំនះ ទាំងប្រផិតប្រផោយ ក្នុងលទ្ធផល១ទល់នឹង០ កាលពីយប់មិញក្នុង ក្របខណ្ឌ Champion League លើក្រុមជើងឯកចាស់ រដូវកាលមុន Liverpool ក្រុម Atletico Madrid ហាក់បីដូចជាសប្បាយចិត្តខ្លាំងមែនទែនទោះបីជាដឹងថា នៅសល់ មួយប្រកួតទៀត ដើម្បីសម្រេចលទ្ធផលក្តី។
ឆ្លើយតបទៅនឹងការ សប្បាយរីករាយបែបនេះ កីឡាករខ្សែការពារ របស់ហង្សក្រហមLiverpool កីឡាករ Andy Robertson បាននិយាយបែបព្រមានថាកុំឲ្យកីឡាករ ទាំងអស់របស់ Atletico Madrid សប្បាយចិត្តពេកព្រោះថា ការប្រកួតជើងទី២ នៅមិនជិតពេកនោះទេហើយឌឺដងថា ការអបអររបស់ ក្រុមអេស្បាញមួយនេះហាក់ដូចជា ឈ្នះពានរង្វាន់ទៅហើយ។
Liverpool ដែលមានកីឡាករខ្សែប្រយុទ្ធ ដ៏មុតស្រួចមិនអាច ធ្វើអ្វីទៅលើទំរង់ ការពាររបស់ Atletico Madrid បានឡើយប៉ុន្តែ នឹងត្រូវរងចាំរហូត ដល់ថ្ងៃទី ១២ខែមិនានៅទឹកដី Anfield វិញម្តងដើម្បីកាត់សេចក្តីអ្នក ដែលត្រូវ ឡើងទៅវគ្គបន្ទាប់៕
ប្រែសម្រួល៖ស៊ុនលី
