កីឡាករខ្សែប្រយុទ្ធឆ្នើមរបស់ក្លឹប Gent កីឡាករ Jonathan David រដូវកាលនេះបានបង្ហាញទំរង់ដ៏ល្អមិនគួរឲ្យជឿ ដោយអាចរកគ្រាប់បាល់បានទៅដល់២១គ្រាប់ហើយ ។ បច្ចុប្បន្នរូបគេកំពុងក្លាយទៅជាគោលដៅរបស់ក្លឹបធំៗ នៅអ៊ឺរ៉ុបបូករួមទាំងក្លឹបធំៗនៅអង់គ្លេសជាច្រើនផងដែរ ។
ក្លឹបធំៗបូករួមទាំង Everton, Leicester City និង Arsenal ផងសុទ្ធតែបានបង្ហាញចំណាប់អារម្មណ៍ជាមួយនឹងកីឡាករ David ដែលគេជឿជាក់ថាមានតម្លៃខ្លួនប្រមាណជា១៨លានផោនរូបនេះ ។ ក្នុងវ័យទើបតែ២០ឆ្នាំ គិតមកដល់ពេលនេះរូបគេអាចរកគ្រាប់បាល់ជូនក្លឹប ដែលមានមូលដ្ឋាននៅប៊ែលហ្ស៊ិកនេះ សរុប៣១គ្រាប់ហើយក្នុងការបង្ហាញខ្លួនទាំងអស់កន្លងមក ។
ក្រៅតែពីក្លឹបធំៗនៅអង់គ្លេសទាំងនោះ គេជឿជាកដែរថាក៏នៅមានក្លឹបផ្សេងទៀតដូចជា RB Leipzig, Lazio, Lyon និងក្លឹបតោខៀវ Chelsea ផងដែរ ៕
ប្រែសម្រួល៖ស៊ុនលី
