បរទេស៖ កីឡាករ Cristiano Ronaldo បានបង្ហាញពីមូលហេតុ ដែលគាត់គឺជាកីឡាករបាល់ទាត់ម្នាក់ ដែលគេចូលចិត្តជាងគេនៅលើភពលោក បន្ទាប់ពីលោកបានផ្ញើសារ ទៅកាន់ប្រជាជននៅប្រទេសចិន ទាក់ទងនឹងការផ្ទុះឡើង នៃវីរុសរលាកសួតថ្មី បង្កឡើងដោយវីរុសកូរ៉ូណា ឬ Covid-19 ។
យោងតាមសារព័ត៌មាន Legit ចេញផ្សាយនៅថ្ងៃទី២២ ខែកុម្ភៈ ឆ្នាំ២០២០ បានឱ្យដឹងថា វីរុសដ៏សាហាវនេះបានឆក់យកជីវិតមនុស្សជាច្រើន ដែលនាំឱ្យមានការហាមឃាត់ការធ្វើដំណើរ ដែលដាក់លើមនុស្សដែលចូល និងចេញពីប្រទេសអាស៊ី ប៉ុន្តែកីឡាករ Ronaldo បានផ្ញើសារអស់ពីជម្រៅដួងចិត្ត ទៅកាន់ប្រជាជនចិនទាំងមូលដោយសន្យាថា លោកនឹងធ្វើដំណើរទៅប្រទេសចិន នាពេលអនាគតដ៏ខ្លីបំផុត ។
“មើល! ខ្ញុំដាក់ម្រាមដៃរបស់ខ្ញុំឆ្លងកាត់ពួកគេ ។ ខ្ញុំអធិស្ឋានសម្រាប់ពួកគេ ហើយខ្ញុំទន្ទឹងរង់ចាំវិលត្រឡប់ម្តងទៀត ។ ឆ្នាំនេះ ឬសូម្បីតែឆ្នាំក្រោយ ចិនជាប្រទេសគួរឱ្យស្រឡាញ់” ។
សូមជម្រាបថា មេរោគឆ្លងវីរុសថ្មី ឬ Covid-19 មានប្រភពដើមមកពីខេត្តហ៊ូប៉ីរបស់ប្រទេសចិន នៅចុងថ្ងៃសុក្រនេះ មនុស្សសរុបចំនួន ២,៣៤៥ នាក់បានស្លាប់ ដោយសារជំងឺនេះហើយ ៧៦.២៨៨ នាក់ត្រូវបានគេរាយការណ៍ថាមានករណីឆ្លង ៕
ប្រែសម្រួលៈ ណៃ តុលា
