ទីបំផុតកីឡាករល្អបំផុតរបស់ក្លឹប Barcelona កីឡាករMessi បានចេញមកបញ្ជាក់ច្បាស់ហើយអំពីអនាគតរបស់គេ ជាមួយនឹងក្លឹបក្រោយពេល ដែលបានធ្វើឲ្យមានភាពរង្គោះរង្គើ កាលពីប៉ុន្មាសប្តាហ៍កន្លងមកនេះ ដោយទំនាស់ពាក្យសម្តីជាមួយនឹងមនុស្ស ដ៏សំខាន់ម្នាក់ទៀតរបស់ក្លឹបនោះ ។
Messi បានបញ្ជាក់ហើយថាមិនដែលមានបំណងធ្វើឲ្យក្លឹបចលាចលល ឬក៏មានអារម្មណ៍ផ្លាស់ប្តូរការតាំងចិត្តដែរចំពោះក្លឹប Barcelona ដែលមានន័យថារូបលោក គឺនឹងមិនផ្លាស់ចេញទៅក្លឹបណាជាដាច់ខាត ទោះបីជាព័ត៌មានចចាមអារ៉ាម នៅតែបន្តកើតមានឡើងក្តី ។
រំលឹកដែរថាទំនាស់សង្គ្រាមពាក្យសម្តីចំៗដាក់គ្នា រវាងលោកប្រធានផ្នែកកីឡាករបស់ក្លឹបគឺលោក Eric Abidal និងកីឡាករ Messi បានកើតឡើងនៅក្រោយពេលដែលមានការបណ្តេញចេញពីសំណាក់លោក Valverde៕
ប្រែសម្រួល ៖ស៊ុនលី
