ទីបំផុតក្នុងពេលថ្លែងមួយ ទៅកាន់ ក្រុមអ្នកកាសែត នាពេលចុងក្រោយនេះ លោកគ្រូបង្វឹកក្លឹប Real Madrid បានសារភាពនិងសសើរ កីឡាករខ្សែប្រយុទ្ធគោលដៅ Raheem Sterling ថាគឺជាកីឡាករ ដ៏ល្អម្នាក់ប៉ុន្តែទោះបីជាយ៉ាងណាគ្រូបង្វឹកបារាំង រូបនេះបានបដិសេធ ក្នុងការបន្ថែមព័ត៌មានលំអិត ពីផែនការរបស់ក្លឹបនាពេលបច្ចុប្បន្នចំពោះ កីឡាករអង់គ្លេសរូបនេះ។
ដូចគ្នានេះដែរកីឡាករ Sterling ក៏ធ្លាប់ បានលើកសរសើរខ្លាំងពីក្លឹប អេស្បាញមួយនេះផងដែរថាជាក្លឹប ដ៏អស្ចារ្យបំផុតនៅ អេស្បាញហើយការនិយាបែបនេះគឺត្រូវបាន ធ្វើឡើងតែប៉ុន្មានថ្ងៃប៉ុណ្ណោះ ក្រោយពេលដែល កាសែតThe Sunបានចេញផ្សាយថាក្លឹប Real Madrid បានត្រៀមផែន ការដ៏ធំមួយ ដើម្បីចែចង់កីឡាកររូបនេះចេញពីអង់គ្លេស ក្នុងតម្លៃខ្លួនរហូតទៅដល់១៨០លានផោន។
លោក Zidane បានបញ្ជាក់យ៉ាងច្បាស់ថា Sterling គឺជាកីឡាករដ៏ល្អប៉ុន្តែបញ្ហាត្រង់ថាខ្ញុំមិនហ៊ាននិយាយអំពីកីឡាករទាំងឡាយ ណាដែលមិនទាន់មានឈ្មោះ ជាកីឡាកររបស់ក្លឹបReal Madrid ឡើយ។គួរបញ្ជាក់ថា Man City ដែលកំពុងប្រឈមមុខ ទៅនឹងករណីបម្រាមវត្តមាននៅ Champion League ដល់ទៅ២រដូវកាលនោះ នឹងជួយជម្រុញឲ្យ ការផ្ទេរនេះនឹងអាចកើតឡើងកាន់តែខ្លាំង ជាមិនខាន៕
ប្រែសម្រួល៖ស៊ុនលី
