ភ្នំពេញ៖ក្រុមកីឡាវិទ្យាល័យ ជា ស៊ីម សាមគ្គីដណ្តើម មេដាយចំនួន៥គ្រឿង លើ៣ប្រភេទកីឡា ខណៈក្រុមកីឡាវិទ្យាល័យឥន្រ្ទទេវី គ្រងតំណែងជើងឯក វិញ្ញាសាបាល់ទាត់ នៃព្រឹត្តិការណ៍ការប្រកួតកីឡាសិស្សមធ្យមសិក្សា ជ្រើសរើសជើងឯករាជធានីភ្នំពេញ ប្រចាំឆ្នាំ២០១៩-២០២០ បន្ទាប់ពីយកឈ្នះក្រុមកីឡាវិទ្យាល័យ ព្រះយុគន្ធរលទ្ធផល៤ទល់ ១នៅវគ្គផ្តាច់ព្រ័ត្រ។
ក្នុងឳកាសប្រគល់មេដាយ និងជយលាភីនារសៀលថ្ងៃទី២ ខែមីនា ឆ្នាំ២០២០នេះលោក ឃួង ស្រេង អភិបាល នៃគណៈអភិបាលរាជធានីភ្នំពេញបានអញ្ជើញ ជាអធិបតីក្នុងពិធីបិទការប្រកួតកីឡាសិស្សមធ្យមសិក្សាជ្រើសរើស ជើងឯករាជធានីភ្នំពេញ ប្រចាំឆ្នាំ២០១៩-២០២០ លើវិញ្ញាសាបាល់ទះ បាល់ទាត់ បាល់បោះ អត្តពលកម្ម វាយកូនឃ្លីលើតុ និងប៉េតង់ នៅក្នុងបរិវេណវិទ្យាល័យ ជា ស៊ីម បឹងកេងកង ស្ថិតនៅ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ។
ក្រុមកីឡាវិទ្យាល័យ ជា ស៊ីម សាមគ្គី ដណ្តើមមេដាយចំនួន៥ គ្រឿងលើ៣ប្រភេទកីឡារួមមានមេដាយមាស១គ្រឿង និងមេដាយប្រាក់ ៤គ្រឿង ចំណែកក្រុមកីឡាវិទ្យាល័យ ឥន្រ្ទទេវីទទួលបានមេដាយចំនួន៣គ្រឿង ក្នុងនោះមេដាយមាស១គ្រឿង មេដាយប្រាក់១គ្រឿង និងមេដាយសំរិទ្ធ១គ្រឿង៕ ដោយ៖លី ភីលីព
