កាសែតអង់គ្លេស the sunsports ចេញផ្សាយ នៅថ្ងៃចន្ទទី៩ខែមិនានេះបានឲ្យដឹងថា ជាផ្នែកមួយនៃការត្រៀមខ្លួនជា មុនសម្រាប់ក្លឹបពេល ដែលអ្នកចាំទី Jan Vertonghen នឹងត្រូវចាកចេញពីក្លឹបនាពេលខាងមុខនោះ ក្លឹប Spursក្រោមការដឹកនាំរបស់ លោក Jose Mourinhoគឺកំពុងចាប់ផ្តើមស្វែងរកកីឡាករម្នាក់ មកជំនួសតំណែងនេះហើយ។
កីឡាករខ្សែការពារ Vertonghen ក្នុងវ័យ៣២ឆ្នាំទៅហើយនោះ គឺនឹងត្រូវផុតកំណត់ កុងត្រានៅចុងបញ្ចប់រដូវកាលនេះ ហើយហើយមើលទៅហាក់ដូចជា មិនមានសញ្ញាវិជ្ជមាន ណាថាក្លឹបនិងកីឡាករអាចសម្រេចចិត្តរួមគ្នា ក្នុងការបន្តកុងត្រាថ្មីនៅទីនេះឡើយ។
កីឡាករប៊ែលហ្ស៊ិករូបនេះមានជំនាញការពារខាងឆ្វេង និងអាចដើរតួជា ខ្សែការពារកណ្តាលផងដែរនឹងអាចដើរចេញ ពីក្លឹបស្របពេលដែលខ្សែការពារ ផ្សេងទៀតដូចជា Danny Roseនិង Japhet tanganga ក៏សុទ្ធតែជាកីឡាករដែលជឿជាក់ថា នឹងអាចចាកចេញជា បន្តបន្ទាប់គ្នាផងដែរ៕
ប្រែសម្រួល៖ស៊ុនលី
