The Mirror នៃចក្រភពអង់គ្លេស ចេញផ្សាយនៅថ្ងៃពុធទី១១ ខែមីនានេះ បានឲ្យដឹងថា ការផ្ទេររបស់កីឡាករ Bruno Fernandes មកកាន់ទឹកដីរបស់Old Traffordបានកំពុងធ្វើឲ្យទំរង់លេង របស់ក្លឹបផ្លាស់ប្តូរយ៉ាងខ្លាំង ។
ប្រភពដដែលជឿជាក់ថា ការផ្លាស់ប្តូរស្ទើរតែ១០០ភាគរយ នៃទំរង់លេងរបស់ក្លឹប ក្នុងនោះផងដែរ ក៏កំពុងធ្វើឲ្យមានការចាប់អារម្មណ៍ខ្លាំង ពីសំណាក់កីឡាករPaul Pogbaផងដែរហើយជឿជាក់ថា កីឡាករបារាំងរូបនេះ ក៏កំពុងតែធ្វើការពិចារណា ក្នុងការបន្តកុងត្រាថ្មីជាមួយនឹងក្លឹបវិញផងដែរ ។
វេបសាយកីឡាដ៏ល្បីមួយទៀត គឺDaily Mailក៏បានធ្វើការចុះផ្សាយ ស្រដៀងគ្នានេះដែរថា មានភាគរយកាន់តែច្រើនឡើង ដែលPaul Pogba នឹងអាចបន្តកុងត្រាថ្មី ជាមួយនឹងក្លឹបដោយសារ តែវត្តមានរបស់Fernandes។
គួរបញ្ជាក់ថា Fernandesសញ្ជាតិ ព័រទុយហ្គាល់រូបនេះ បានផ្ទេរមកពី Sporting Lisbon ក្នុងតម្លៃខ្លួនប្រមាណជា៤៧លានផោន កាលពីខែមករា ហើយមកដល់ពេលនេះ រូបគេបានបង្ហាញខ្លួននៅជម្រើស១១នាក់ ដំបូងរហូតមកនិងថែមទាំងបានជួយ ក្រុមរកគ្រាប់បាល់ស្ទើរ គ្រប់ការប្រកួតផងដែរ៕
ប្រែសម្រួល៖ស៊ុនលី
