Dailymail នៅថ្ងៃព្រហស្បតិ៍នេះ បានសរសេរថា កីឡាករខ្សែប្រយុទ្ធ Cristiano Ronaldo មកដល់ថ្ងៃនេះគឺមិនទាន់អាចហោះត្រឡប់ មកកាន់ក្លឹបJuventus នៅប្រទេសអ៊ីតាលីវិញនៅឡើយ ក្រោយពេលដែលមិត្តរួមក្លឹប កីឡាករDaniele Ruganiទើបតែត្រូវរកឃើញថា បានឆ្លងនូវមេរោគកូរ៉ូណា។
CR7តាមពិតទៅបានហោះ ទៅដល់ទីក្រុងMadeira ក្រោយការបញ្ចប់ទៅ នៃការប្រកួតជ័យជំនះលើក្រុម Inter Milan ក្នុងលទ្ធផល២ទល់នឹង០ជាទីកន្លែង ដែលរូបគេនិងRugani បានស្ថិតនៅក្នុងបន្ទប់ផ្លាស់សម្លៀកបំពាក់ ជាមួយគ្នានិងមិត្តរួមក្លឹបផ្សេង ទៀតផងនោះ។
មកដល់ទីក្រុង នៃប្រទេសកំណើត លើកនេះCR7 គឺមានបំណងចង់មកមើលថែម្តាយ ដែលកំពុងព្យាបាលជំងឺ ហើយទើបតែបានទទួលព័ត៌មាននេះដែរទេ ហើយពេលនេះត្រូវបានគេជឿជាក់ថា ត្រូវបានរក្សាខ្លួននៅក្នុងផ្ទះនៅក្នុងស្រុកកំណើត របស់ខ្លួននៅឡើយ ដើម្បីតាមដានបន្ត៕
ប្រែសម្រួល៖ស៊ុនលី
