បរទេស៖ កាសែតអង់គ្លេស The Sunsports នៅថ្ងៃសុក្រនេះ បានឲ្យដឹងថា ក្លឹបបិសាចក្រហម Man United បានងៀកមកចាប់អារម្មណ៍ ជាមួយនឹងខ្សែប្រយុទ្ធ Aubameyang របស់ក្លឹបកាំភ្លើងធំ ទាំងគួរឲ្យភ្ញាក់ផ្អើល ទាំងដែលមិនដែលមានព័ត៌មាន បែបនេះពីមុនមកក្តី។
ប្រភពដដែលបានសរសេរទៀតថា តម្លៃខ្លួនរបស់ Aubameyang បច្ចុប្បន្នត្រឹមតែ ៥០លានផោនប៉ុណ្ណោះ ប្រសិនបើ Man United ហ៊ាននឹងចំណាយ ដោយសារតែកុងត្រាបច្ចុប្បន្ន កាន់តែកៀកទៅនឹងសុពលភាព ទៅហើយនោះ ហើយកីឡាករផ្ទាល់ ក៏មិនមានសញ្ញាថា ចង់បន្តកុងត្រានៅ Emiratesដែរ។
គួរបញ្ជាក់ថា កីឡាករសញ្ជាតិហ្គាបុងរូបនេះ ក្នុងវ័យ៣០ឆ្នាំទៅហើយ នៅសល់កុងត្រា រយៈពេលតែ១ឆ្នាំទៀតប៉ុណ្ណោះ ហើយនឹងអាចចាកចេញពីក្លឹប ដោយមិនមានតម្លៃខ្លួនឡើយ ក្នុងឆ្នាំ២០២១ខាងមុខ៕
ប្រែសម្រួល៖ស៊ុនលី
