កីឡាករខ្សែប្រយុទ្ធមាឌធំ Ighalo ក្រោយផ្ទេរមកលេង ជាមួយនឹង Old Trafford ក្នុងលក្ខណ្ឌខ្ចីជើងពាក់កណ្តាលរដូវកាលនេះនោះ មកគេអាចរក បាន៤គ្រាប់ រួចហើយឲ្យក្លឹប ហើយមិនបានលាក់លៀមនោះទេអំពីអារម្មណ៍ រីករាយក្នុងការលេង ជាមួយនឹងក្លឹបថ្មី។
កាសែតអង់គ្លេស The Mirror នៅថ្ងៃអង្គារនេះ បានសរសេរថាសម្រាប់ក្លឹបបិសាចក្រហម Man United ព្រមទាំងអ្នកគាំទ្រក្លឹបផង ក៏មិនមានបញ្ហាដែរប្រសិនបើកីឡាកររូបនេះ អាចបន្តលេងបានយូរថែមទៀតនៅទីនេះ ដោយក្នុងនោះក្លឹបបានត្រៀមខ្លួន រួចរាល់ ហើយដើម្បីចចារជាមួយនឹងក្លឹបនៅប្រទេសចិនដើម្បី ផ្ទេរកីឡាកររូបនេះ អចិន្ត្រៃយ៍តែម្តង នាពេលខាងមុខ។
ប្រភពដដែលបានសរសេរថា Man United តាមពិតបានស្រាវជ្រាវនិងទាក់ទង ជាមួយនឹងក្លឹប Shanghai Greenland Shenshua មកហើយអំពីតម្លៃរបស់ Ighalo ដែលជឿជាក់ថាប្រមាណជា១៥លានផោន ហើយបានត្រៀម ផែនការជាពិសេសកុងត្រា រយៈពេលវែងមួយសម្រាប់គេផងដែរ៕
ប្រែសម្រួល៖ស៊ុនលី
