តូក្យូ៖ខ្សែការពារជប៉ុន កីឡាករGotoku Sakai បានធ្វើតេស្ត៍វិជ្ជមាន ចំពោះវីរុសកូរ៉ូណា ចំណែកក្លិបរបស់លោក Vissel Kobe បានបញ្ជាក់ថា Sakai ក្លាយជាកីឡាករដំបូងរបស់ J.League ដែលមាន ផ្ទុកវីរុសនេះ យោងតាមការចេញផ្សាយពី គេហទំព័រជប៉ុនធូដេ។
ប្រទេសជប៉ុនបានរាយការណ៍ថា Sakaiមានលក្ខណៈ គ្រុនក្តៅកាលពីថ្ងៃពុធហើយ ត្រូវបានគេធ្វើរោគវិនិច្ឆ័យថា មានជំងឺកូរ៉ូណានៅ ក្នុងមន្ទីរពេទ្យនៅថ្ងៃបន្ទាប់។ ក្លិបបាននិយាយថាការធ្វើតេស្តវិជ្ជមានរបស់លោកចំពោះមេរោគ ឆ្លងត្រូវបានបញ្ជាក់ កាលពីថ្ងៃច័ន្ទ។ Kobe បានបន្តថា មិនមានកីឡាករផ្សេងទៀតនៅក្នុងក្រុម ដែលរួមបញ្ចូលទាំងកីឡាករ អេស្ប៉ាញ Andres Iniesta ជាម្ចាស់ជើងឯក World Cup បានបង្ហាញរោគ សញ្ញាណាមួយឡើយ។
ក្លិបបាននិយាយនៅក្នុងសេចក្តីថ្លែងការណ៍ មួយថា បច្ចុប្បន្ននេះមិនមានកីឡាករ ឬបុគ្គលិកណាម្នាក់ផ្តល់រោគសញ្ញានៃជំងឺឆ្លងថ្មីដែលមិនមែនជំងឺដូច Gotoku Sakai ឡើយ។ នៅក្នុងការឆ្លើយឆ្លងជាមួយនឹងការណែនាំរបស់ មណ្ឌលសុខភាពសាធារណៈយើងកំពុង ពិនិត្យរកអ្នកដែលមានទំនាក់ទំនងជិតស្និទ្ធនិងការក្រៀវ ពេញលេញនៃកន្លែងបណ្តុះបណ្តាល Ibuki”។
ខ្សែការពារវ័យ ២៩ ឆ្នាំរូបនេះបានចូលរួម ជាមួយ Kobe មកពីក្រុមអាល្លឺម៉ង់ Hamburg កាលពីរដូវកាលមុន។ ដូចគ្នានឹងការប្រកួតកីឡាសំខាន់ៗ ភាគច្រើននៅលើពិភពលោកដែរ J.League ត្រូវបានផ្អាកដោយសារការឆ្លងវីរុសនេះ ជាមួយនឹងការប្រកួតចុងក្រោយ ដែលត្រូវបានគេលេងនៅចុងខែកុម្ភៈ៕
