ភ្នំពេញ៖ព្រឹត្តិការណ៍ប្រដាល់ដណ្តើមខ្សែក្រវាត់ ខារ៉ាបាវ នៅលើសង្វៀន SEATV នារសៀលថ្ងៃសៅរ៍ ទី៤ ខែមេសា ឆ្នាំ២០២០ អ្នកប្រដាល់មាស សុជាតិ មកពីក្លិបក្រុងប៉ោយប៉ែតកីឡាប៉ះជាមួយអ្នកប្រដាល់គុនខ្មែរខ្លាចាស់ ហ៊ឹម សារ៉ានសមាគម ប្រដាល់ក្រសួង ការពារជាតិប្រកួតគ្នាក្នុងប្រភេទទម្ងន់៦៧គីឡូក្រាម។
អ្នកប្រដាល់កណ្ដាប់ដៃដែក មាស សុជាតិ ក្លិវក្រុងប៉ោយប៉ែតរូបនេះមានល្អទាំងជង្គង់ ទាំងកណ្ដាប់ដៃ កែង និងទាត់ មិនតែប៉ុណ្ណោះក្បួនការពាររបស់គេ ក៏មិនអន់ដែរ ហើយលក្ខណៈពិសេសរបស់អ្នកប្រដាល់រូបនេះគឺវ៉ៃសងបានលឿន។ ចំពោះ មាស សុជាតិ វិញគេមានប្រវត្តិប្រកួតចំនួន៨៨ដង ឈ្នះ៦៥ដង ចាញ់២១ដង និងស្មើពិន្ទុ២ដង។
ចំណែកខ្លាចាស់សារ៉ាន ជាអ្នកប្រដាល់ចិត្តធំមួយរូបដែល ហើយគេក៏ធ្លាប់ជាអ្នកប្រដាល់ល្បីល្បាញគ្រាន់បើដែរកាលពី៣-៤ឆ្នាំមុននោះតែពេលនេះគេ មានអាយុច្រើនដែរហើយគួបផ្សំនឹងការហ្វឹកហាត់មិនបានដិតដល់ផងនោះបានធ្វើឲ្យអ្នកប្រដាល់ រូបនេះមិនត្រឹមតែស្រុតបច្ចេកទេសប៉ុណ្ណោះទេគឺស្រុតទាំងកម្លាំង ។ ជំនួបមួយនេះមិនទាន់ប្រាកដថា សារ៉ាន ជាអ្នកឈ្នះនោះទេហើយក៏មិនទាន់ប្រាកដថា មាស សុជាតិ អាចផ្ដួលអ្នកប្រដាល់ ជើងចាស់រូបនេះបានដែរ ៕
