កីឡាករខ្សែប្រយុទ្ធSane ត្រូវបានគេមើលឃើញថា នឹងអាចផ្ទេរទៅលេងជាមួយនឹងក្លឹបថ្មី ហើយនៅរដូវក្តៅនេះ ក្រោយពេលដែលមានព័ត៌មាន ជាច្រើនបានអះអាងថា Man City នេះនឹងត្រូវបង្ខំចិត្ត លក់កីឡាករតម្លៃ៩០លានផោននេះ ចេញជាមិនខាន។
Bayern Munich គឺជាក្លឹបដែលមានអទិភាពខ្លាំង ជាងគេសម្រាប់ការដោះដូរនេះ ប៉ុន្តែមកដល់សប្តាហ៍ចុងក្រោយនេះ កាសែតអង់គ្លេស The Mirror បានសរសេរថា ក្លឹបហង្សក្រហមLiverpool កំពុងត្រូវបានបុគ្គលល្បីៗ ជាច្រើនព្រមទាំងអ្នកគាំទ្រផង ដើម្បីប្តូរគោលដៅ ពីកីឡាករAdama Traoreលេងនៅក្លឹបWolvesមកពិចារណាSaneជំនួសវិញ។
Sane គឺជាកីឡាករ ដ៏សំខាន់ សម្រាប់ Man City ៣រដូវកាលចុងក្រោយនេះ មុនពេលដែលរូបគេបានទទួលរងរបួស កាលពីដើមរដូវកាល ។ ក្នុងការបង្ហាញខ្លួនសរុប១៣៤ដង គេអាចរកបាន៣៩គ្រាប់ និងជួយមិត្តភ័ក្ត្ររកបានជាច្រើនគ្រាប់ លើកពានរង្វាន់Premier Leagueទាំង២ រដូវកាលជាប់គ្នា និងពានរង្វាន់មួយចំនួនទៀតផង៕
ប្រែសម្រួល៖ស៊ុនលី
