ថ្លែងំពីសមត្ថភាពរបស់កីឡាករចំណូលថ្មី Bruno Fernandes អតីតកីឡាករឆ្នើម និងជាវិរៈបុរសម្នាក់របស់ក្លឹបដែរនោះ លោកPaul Scholes បាននិយាយទាំងជឿជាក់ថា Bruno នឹងពិតជាមានអនាគតល្អបំផុតនៅ Old Trafford នេះប៉ុន្តែលោកបានបញ្ជាក់ថា ក្លឹបនៅតែត្រូវការកីឡាករចំណូលថ្មី យ៉ាងហោចណាស់៤នាក់ទៀត ដើម្បីប្រជែងជាមួយ នឹងក្លឹបជើងឯកបាន។
នេះមានន័យថា Paul Scholes ចង់ឲ្យ Man United ទិញបន្ថែមកីឡាករថ្មីចំនួន៤នាក់ទៀត ដើម្បីអាចមានលទ្ធភាពក្នុងការប្រកួតប្រជែងជាមួយនឹង Liverpool ឬ Man City បាននៅរដូវកាលក្រោយបើទោះបីជាបច្ចុប្បន្នមានវត្តមានរបស់ Bruno Fernandes ទៅហើយក្តីដែលទើបតែបានទិញបាន កាលពីខែមករាកន្លងមកនោះ។
បច្ចុប្បន្ន Man United មាន៣៧ពិន្ទុតាមពីក្រោយ Liverpool ជាគម្លាតដ៏ឆ្ងាយមួយមិនធ្លាប់មាន ក្នុងប្រវត្តិសាស្ត្ររបស់ក្លឹបហើយនិងមាន៣ពិន្ទុ ពីក្រោយក្រុមលេខរៀងទី៤បច្ចុប្បន្នតោខៀវ Chelsea ទៀតផងដែលវាបានកំពុងធ្វើឲ្យ ឧិកាសក្នុងការមានសិទ្ធលេងនៅ Champion League នៅមានតិចនៅឡើយ៕
ប្រែសម្រួល៖ស៊ុនលី
