ក្រុងឡុងដ៍៖ Arsenal បានក្លាយជាក្លិបដំបូង គេនៅ Premier League បានព្រមព្រៀងកាត់ប្រាក់ខែ កូរ៉ូណាវី ជាមួយកីឡាករ របស់ពួកគេ ខណៈអ្នកចាត់ការ Mikel Arteta និងតារារបស់លោក បានកាត់បន្ថយប្រាក់ឈ្នួល របស់ពួកគេ ១២,៥ ភាគរយយោងតាមការចេញផ្សាយ ពីគេហទំព័រឆៃណាឌៀលី ។
បន្ទាប់ពីក្រុម Southampton និង West Ham បានប្រកាសពីកិច្ចព្រមព្រៀង ពន្យារពេលប្រាក់ឈ្នួល ជាមួយកីឡាករ របស់ពួកគេក្រុម Arsenal បានឈានមួយជំហានទៀត ដោយធានាការកាត់ប្រាក់ខែ ពី Arteta និងក្រុមដំបូង ។ ក្រុម Arsenal បាននិយាយនៅក្នុងសេចក្តី ថ្លែងការណ៍មួយថា យើងមានសេចក្តីរីករាយ សូមប្រកាសថា យើងបានឈាន ដល់កិច្ចព្រមព្រៀងស្ម័គ្រចិត្ត ជាមួយកីឡាករក្រុមទី១ គ្រូបង្វឹក និងបុគ្គលិកស្នូល របស់យើងដើម្បីជួយគាំទ្រ ដល់ក្លិបនៅគ្រាលំបាកនេះ។
នៅក្នុងការសន្ទនាទាំងនេះ មានការកោតសរសើរយ៉ាងច្បាស់ ពីភាពធ្ងន់ធ្ងរនៃស្ថានភាពបច្ចុប្បន្ន ដែលបណ្តាលមកពីជំងឺរាតត្បាតកូរ៉ូណា និងបំណងប្រាថ្នាយ៉ាងខ្លាំងសម្រាប់កីឡាករ និងបុគ្គលិក ដើម្បីបង្ហាញការគាំទ្រ ដល់ក្រុមគ្រួសារ Arsenal ៕
ដោយ៖លី ភីលីព
