អង់គ្លេស ៖ ព្រឹត្តិការណ៍បាល់ទាត់ ក្របខណ្ឌ Premier League គ្រោងនឹងចាប់ផ្តើមឡើងវិញ នៅថ្ងៃទី ១៧ ខែមិថុនា បន្ទាប់ពីការបិទរយៈពេល ១០០ ថ្ងៃ បណ្តាលមកពីការឆ្លងរាលដាល នៃមេរោគកូរ៉ូណា ជាមួយនឹងពេលវេលាលេងថ្មី ដ៏អស្ចារ្យដើម្បីប្រាកដថា រាល់ការប្រកួតបង្ហាញ នៅលើកញ្ចក់ទូរទស្សន៍ ខណៈអ្នកគាំទ្រ មិនអនុញ្ញាត្យចូលរួមទស្សនាផ្ទាល់ យោងតាមការចេញផ្សាយ ពីគេហទំព័រជប៉ុនធូដេ ។
ក្លិបទាំង២បានព្រមព្រៀងថា ការប្រកួតគួរតែចាប់ផ្តើមឡើងវិញ នៅរាត្រីថ្ងៃពុធ ដែលមានក្រុម Manchester City ប៉ះ Arsenal និង Aston Villa ដែលជាម្ចាស់ផ្ទះ Sheffield United ។ ទោះយ៉ាងណាលីគ នៅតែត្រូវការការយល់ព្រមជាផ្លូវការ ពីរដ្ឋាភិបាល ព្រោះវិធានការទប់ស្កាត់ ត្រូវបានបន្ធូរបន្ថយជាបណ្តើរ ៗ ។
នាយកប្រតិបត្តិនៃក្របខណ្ឌ Premier League លោក Richard Masters បានមានប្រសាសន៍ថា កាលបរិច្ឆេទថ្ងៃទី១៧ មិថុនា នេះមិនអាចត្រូវបានបញ្ជាក់ទេ ដរាបណាយើងបានឆ្លើយតបនូវរាល់ តម្រូវការសុវត្ថិភាពទាំងអស់ ពីព្រោះសុខភាព សុខមាលភាព របស់អ្នកចូលរួម និងអ្នកគាំទ្រទាំងអស់ គឺជាអាទិភាពរបស់យើង ។
បន្ទាប់ពីការប្រកួតជុំទី ៣០ នឹងចាប់ផ្តើមនៅថ្ងៃសុក្រទី ១៩ ខែមិថុនាវេលាម៉ោង ៨ ល្ងាច ប្រសិនបើអាជ្ញាធរអនុម័តផែនការសុវត្ថិភាព ។ រដ្ឋាភិបាលបានយកចិត្តទុកដាក់ ក្នុងការនាំយកកីឡាត្រឡប់មកវិញ នៅសប្តាហ៍នេះដោយអនុម័ត ការបណ្តុះបណ្តាលទំនាក់ទំនង រវាងក្រុមកីឡាករធំ ៗ ៕
ដោយ៖លី ភីលីព
