ក្លឹបយក្សអេស្បាញ Real Madrid ហាក់បីដូចជា មិនចង់រងចាំឱកាស រហូតដល់ពេលទីផ្សារ ដោះដូរកីឡាករ លើកក្រោយនេះឡើយ ដើម្បីនាំយកកីឡាករបារាំង Kylian Mbappe មករួមការងារ ជាមួយនឹងលោកគ្រូបង្វឹក សញ្ជាតិបារាំង Zinedine Zidane។
Diario Gol តាមរយៈការចេញផ្សាយ ដោយThe Sunsports បានសរសេរថា Real Madrid ដែលប្រឹងប្រែងគ្រប់វិធីសាស្ត្រកន្លងមក ហើយនោះ នឹងសល់ជម្រើសមួយទៀត នៅលើតុចរចា ដើម្បីដោះដូរ Mbappeឲ្យបាន គឺដាក់បញ្ចូល កំពូលកីឡាករប៊ែលហ្ស៊ិក Eden Hazard ជាថ្នូរនឹងការដោះដូរ ដ៏អស្ចារ្យមួយនេះ។
កាលពីដំបូងឡើយព័ត៌មានជាច្រើន បានចេញផ្សាយថា កីឡាករមានបំណង ចង់បន្តលេងនៅបារាំង ដើម្បីលើកពាន Champion League ជូនក្លឹបជាមុនសិន ប៉ុន្តែមកដល់ពេលនេះ គេជឿជាក់ថា Mbappe ចង់ចាកចេញ ហើយមិនចង់ឲ្យ PSG រារាំងខ្លួនឡើយ ប៉ុន្តែក៏នឹងមិនស្ថិត ក្នុងតម្លៃថោកនោះដែរ ខណៈដែល Hazard បច្ចុប្បន្ន មានតម្លៃប្រមាណជា ៨៨លានផោន ក្នុងទីផ្សារដោះដូររួចទៅហើយ៕
ប្រែសម្រួល៖ស៊ុនលី
