Serie A យល់ព្រម ឲ្យប្រើប្រាស់ កីឡាករបម្រុង ៥នាក់ ក្នុងពេលត្រឡប់ រដូវកាលមកវិញ

នៅថ្ងៃសៅរ៍នេះ លីគកំពូលអ៊ីតាលី Serie A បានប្រកាសហើយថា ក្លឹបទាំងអស់ ក្នុងពេលដែលត្រូវត្រឡប់ មករកការប្រកួតឡើងវិញ ចាំបាច់ត្រូវប្រើប្រាស់ កីឡាករបម្រុង ចំនួន៥នាក់ ក្នុងមួយប្រកួត។

គណកម្មការបាល់ទាត់ ពិភពលោក ឬFIFA បានធ្វើការសម្រេចចិត្ត ក្នុងការផ្តល់សិទ្ធនេះ ជូនទៅដល់ Serie A ដើម្បីអនុវត្តកិច្ចការងារនេះបន្ត ខណៈដែលគោលការណ៍នេះ ត្រូវបានកែសម្រួលរួចហើយ កាលពីខែមុន ប៉ុន្តែក្លឹបទាំងអស់ នឹងមានឱកាសសម្រាប់ការដោះដូរ ចំនួនតែ៣លើកប៉ុណ្ណោះ ក្នុងមួយប្រកួត។

គួរបញ្ជាក់ដែរថា កាលប៉ុន្មានថ្ងៃមុន Serie Aបានប្រកាសហើយថា រដូវកាលរបស់ខ្លួន នឹងវិលត្រឡប់វិញ នៅថ្ងៃទី២០ខែមិថុនាហើយ ក្នុងនោះផងដែរ រាល់គោលកាណ៍ថ្មី ដែលត្រូវបានបន្ថែម នឹងត្រូវប្រើប្រាស់នៅ Serie B ដូចគ្នាដែរ៕
ប្រែសម្រួល៖ស៊ុនលី