ខ្សែការពារឆ្នើមវ័យចាស់ Sergio Ramos ដែលកំពុងលេងឲ្យក្លឹបយក្ស Real Madrid គឺជាមិត្តភ័ក្តដ៏ជិតស្និទ្ធរបស់ អតីតកំពូលកីឡាករអង់គ្លេស David Beckham ហើយថ្មីៗនេះត្រូវបានគេសង្ស័យថា នឹងអាចសម្រេចចិត្តទៅជួបជុំគ្នាសាជាថ្មីនៅអាមេរិក។
The Sunsports ចេញផ្សាយថា Ramos អាចនឹងវិលត្រឡប់ទៅធ្វើការជាមួយនឹង Beckham វិញក្នុងនាមជាកីឡាករចំណូលថ្មីរបស់ក្លឹប Inter Miami បន្ទាប់ពីកីឡាករអេស្បាញរូបនេះធ្លាប់បានបញ្ជាក់ថា លោកមានបំណងចង់ផ្ទេរទៅលេងនៅលីគកំពូល របស់អាមេរិក MSLនៅចុងបញ្ចប់នៃអាជីពរបស់ខ្លួន។
ព័ត៌មានច្បាស់លើសពីនេះតាមរយៈ កាសែតអេស្បាញ AS បានអះអាងថាReal Madrid នៅពេលនេះមានសង្ឃឹមថានឹងអាចបន្តកុងត្រាថ្មីជូនកីឡាករ ប្រធានក្រុមដែលធ្លាប់រស់នៅទីនេះអស់រយៈពេល១៥ឆ្នាំ មកហើយនោះក្នុងកុងត្រាថ្មីមួយឆ្នាំទៀត ប៉ុណ្ណោះ៕
ប្រែសម្រួល៖ស៊ុនលី
