ព្រឹត្តិការណ៍ ពានរង្វាន់ធំបំផុត របស់អ៊ឺរ៉ុប Champion League នៅរដូវកានេះ ត្រូវបានគណកម្មការរៀបចំ បានធ្វើការប្រជុំគ្នា ជាចុងក្រោយមួយ និងសម្រេចចិត្តយកថ្ងៃទី២៣ ខែសីហា ហើយជាថ្ងៃ នៃការប្រកួតចុងក្រោយ។
ព្រឹត្តិការណ៍នេះ នឹងត្រូវធ្វើឡើង នៅក្នុងទីក្រុង Lisbon ប្រទេសប៉ទុយហ្គាល់ ប៉ុន្តែអ្វីដែលនៅត្រូវរងចាំការ សម្រេចចិត្តនោះគឺ ថាការប្រកួត៨ក្រុម ចុងក្រោយប៉ុណ្ណោះ ដែលនឹងត្រូវយកទៅធ្វើនៅទីនេះ ហើយនឹងធ្វើឡើង ក្នុងរយៈពេល១១ថ្ងៃជាប់គ្នា នៅក្នុងទីក្រុងនេះតែម្តង។
តាមការបញ្ជាក់បន្ថែម ការសម្រេចចិត្តលេង រយៈពេល១១ថ្ងៃ នៅក្នុងទីក្រុងLisbon នេះនឹងធ្វើនៅក្នុងកិច្ចប្រជុំ បន្ទាប់របស់ UEFA ។ គួរបញ្ជាក់ដែរថា ទីក្រុង Lisbon ក៏ធ្លាប់ជាម្ចាស់ផ្ទះ នៃព្រឹត្តិការណ៍ផ្តាច់ព្រ័ត្រពានរង្វាន់នេះម្តងដែរ កាលពីឆ្នាំ២០១៤ រវាងក្រុម Atletico Madrid ជាមួយនឹង Real Madrid៕
ប្រែសម្រួល៖ស៊ុនលី
