ភ្នំពេញ ៖ លោកណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា បានចេញសេចក្តី ប្រកាសជាផ្លូវការ ដោយអនុញ្ញាត ឲ្យក្រុមកីឡាករ-កីឡាការិនី ជម្រើសជាតិ ឈុតធំកម្ពុជា ចំនួន៣៥ប្រភេទកីឡា ត្រឡប់ចូលហ្វឹក ហាត់ឡើងវិញ រួមមានកីឡាជនពិការ អនុរក្ស គ្រូបង្វឹក គ្រួជំនួយ កីឡាករ កីឡាការិនីជម្រើសជាតិ រយៈពេល៦ខែ ចាប់ពីថ្ងៃទី១ ខែកក្កដា ដល់ថ្ងៃទី៣១ ខែធ្នូ ឆ្នាំ២០២០ បន្ទាប់ឈប់សម្រាកជាង M៥ខែ ដោយសារមេរោគកូរ៉ូណា ។
សម្រាប់ការប្រមូលផ្តុំឆ្នាំនេះ មាន៣៤ប្រភេទកីឡា និងក្រុមកីឡាជនពិការទាំងអស់ មានចំនួន ៥១៦នាក់ ក្នុងនោះមានកីឡាតេក្វាន់ដូWT ប៉េតង់ ជឺជីតស៊ូ គុនល្បុក្កតោ ប្រដាល់គុនខ្មែរ ប្រដាល់សកល បាល់ទះ បាល់បោះ សូហ្វតិន្នីស ម៉ូតូទឹក អត្តពលកម្ម ហែលទឹក វាយកូនបាល់ វូស៊ូ កាយសម្ព័ន្ធ ប្រណាំងទោខក្រយន្ត គុនដាវ ជិះសេះ វាយកូនឃ្លីលើតុ វាយសី ទ្រីយ៉ាត្លុង ។
កីឡាការ៉ាតេ ទូកប្រពៃណី និងអន្តរជាតិ យូដូ ទូកក្តោង វាយកូនគោល បាញ់កាំភ្លើង កីឡារាំ វូវីណាម តេក្វាន់ដូ ITF សូរិនកាំបូ អុកចត្រង្គ។ ក្រសួងអប់រំ យុវជន និងកីឡាខិតខំរៀបចំឲ្យមានការប្រមូលផ្តុំហ្វឹកហាត់ឡើងវិញ និងទាន់ពេលវេលា ដើម្បីត្រៀមការប្រកួតអន្តរជាតិនានា ជាពិសេសគឺគោលដៅចម្បងៗ គឺឆ្ពោះទៅ ស៊ីហ្គេម លើកទី៣១ ឆ្នាំ២០២១ នៅប្រទេសវៀតណាម និងស៊ីហ្គេម លើកទី៣២ ឆ្នាំ២០២៣ នៅកម្ពុជា ៕ដោយ៖លី ភីលីព
