កាន់តែខិតជិតទៅនឹង ការលើកពានរង្វាន់កំពូលអង់គ្លេស Premier League ជាលើកដំបូង ក្នុងប្រវត្តិសាស្ត្រ៣០ឆ្នាំចុងក្រោយនេះ ខណៈដែលមានការលើកឡើងមួយ របស់កីឡាករWayne Rooney ថាLiverpool គឺនៅមិនទាន់ស្ថិតក្នុងកម្រិត ដែលMan United ធ្លាប់មានកន្លងមកឡើយ។
Rooney និយាយបែបគាំទ្រថា ហង្សក្រហម Liverpool ពិតជាល្អនៅពេលបច្ចុប្បន្ន ប៉ុន្តែបើចង់ឡើងទៅដល់កម្រិត Man United ក្រោមការដឹកនាំរបស់លោកSir Alex Ferguson នោះលុះត្រាណា តែគ្រូបង្វឹកបច្ចុប្បន្ន គឺលោក Jurgel Klopp នឹងលះបង់ពេលវេលា១០ឆ្នាំ ដើម្បីត្រួតត្រាក្លឹបនេះជាមុនសិន។
គួរឲ្យដឹងដែរថា ពេលរដូវកាល២០១៩-២០២០ត្រឡប់វិញនេះ Liverpool ត្រូវការតែ២ប្រកួតជ័យជំនះប៉ុណ្ណោះ ដើម្បីលើកពានអង់គ្លេស ជាស្វ័យប្រវត្តិ ខណៈដែលខ្លួនមានពិន្ទុដល់ទៅ២៥ នាំមុខដាច់ពីលើក្រុមលេខរៀងទី២ គឺ Man City៕
ប្រែសម្រួល៖ស៊ុនលី
