អតីតគ្រូបង្វឹក របស់ជម្រើសជាតិអង់គ្លេស លោក Roy Hodgson នៅសប្តាហ៍នេះ បានធ្វើការលើកសរសើរខ្លាំង ចំពោះទំរង់លេង របស់ក្លឹបហង្សក្រហម Liverpool ហើយជឿជាក់ថាមិនត្រឹមតែ Champion Leauge ឬ Premier League នោះទេដែលក្លឹប នឹងបន្តលើកពានបន្ថែមទៀត។
ជ័យជំនះក្នុងលទ្ធផល៤ទល់នឹង០ កាលពីយប់មិញលើក្រុម Crystal Palace ដែលមានលោក Hodgson រូបនេះមានឈ្មោះជាគ្រូបង្វឹកបច្ចុប្បន្ន ពិតជាបានធ្វើឲ្យគាត់ មានការចាប់អារម្មណ៍ខ្លាំងមែនទែន ចំពោះទំរង់លេងដ៏ខ្លាំង របស់ហង្សក្រហម Liverpool។
គួរបញ្ជាក់ថា Liverpool នឹងលើកពានរង្វាន់ Premier League ជាលើកដំបូង គិតចាប់តាំងតែពីឆ្នាំ១៩៩០ប្រសិនបើ Man City នឹងមិនអាចទទួលជ័យជំនះ លើក្រុម Chelsea បានទេនោះ នៅយប់ថ្ងៃព្រហស្បតិ៍៕
ប្រែសម្រួល៖ស៊ុនលី
