គ្រូបង្វឹកក្លឹបបិសាចក្រហម Man United លោក Ole Solskjaer បានបង្ហើបប្រាប់នៅថ្ងៃនេះថា លោកកំពុងបានប្រើប្រាស់វិធីថ្មី ដើម្បីបង្វឹកនិងបន្ថែមបទពិសោធ ដល់ខ្សែប្រយុទ្ធលេខ៩ របស់ក្លឹបគឺ Antonio Martial តាមរយៈកីឡាករ Ighalo។
លោក Solskjare បានជឿជាក់ថា បទពិសោធដែលកីឡាករ Ighalo មាននៅពេលបច្ចុប្បន្ន នឹងត្រូវយកមក ដើម្បីណែនាំបង្រៀនទៅឲ្យ Martial ។លោក Solskjare បានបន្តទៀតថា Martial បច្ចុប្បន្នកំពុងរៀនសូត្របន្ថែមពី Ighalo ហើយកីឡាករបារាំងរូបនេះ នឹងមិនចាកចេញទៅណាឡើយ។
គួរបញ្ជាក់ដែរថាកីឡាករ Ighalo ដែលមានវ័យ៣១ឆ្នាំរូបនេះ មានបទពិសោធលេងបាល់ច្រើនណាស់ ដោយគាត់ធ្លាប់លេង ឲ្យជម្រើសជាតិនេហ្ស៊ីរីយ៉ាផងលេង នៅលីគប្រទេសន័រវេសផង លីគប្រទេសអ៊ីតាលីផង លីគប្រទេសអេស្បាញផង លីគប្រទេសអង់គ្លេសផង និងលីគនៃប្រទេសចិនផង៕
ប្រែសម្រួល៖ស៊ុនលី
