ភ្នំពេញ៖ បន្ទាប់ពីបញ្ចប់ការប្រកួតជាផ្លូវការរដូវកាលទី២ដោយជោគជ័យស្ថានីយទូរទស្សន៍PNNបានសហការជាមួយសហព័ន្ធកីឡាប្រដាល់គុនខ្មែរបន្តរដូវកាលទី៣នាថ្ងៃទី១១ ខែកក្កដា ឆ្នាំ២០២០ ប្រកាសធ្វើសន្តិសីទសារព័ត៌មានស្តីពីបើកដំណើរការការប្រកួតប្រដាល់ “អធិរាជគុនខ្មែរISI PALM – ISI PIPE” រៀងរាល់ ថ្ងៃ អាទិត្យ វេលា ម៉ោង ១២ ថ្ងៃត្រង់ក្រោមការឧបត្ថម្ភពីក្រុមហ៊ុនISI PALM។
ក្នុងឳកាសពិធីសន្តិសីទសារព័ត៌មាននេះដោយមានការអញ្ជើញពីសំណាក់លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ លោក ម៉ិល កាដូ អគ្គនាយករងនៃអគ្គនាយកដ្ឋានកីឡា លោក ប៉ាន់ សុវុទ្ធ ប្រធានផ្នែកទីផ្សាររបស់ក្រុមហ៊ុនISI PALM និងលោក ស្រ៊ឺ ស្រេង ប្រធានផ្នែកកីឡាស្ថានីយទូរទស្សន៍PNN។
លោក ស្រ៊ឺ ស្រេង បាននិយាយថា រដូវកាលទី១ និងទី២ជាយុទ្ធនាការប្រកួតជម្រុះចាញ់ធ្លាក់ឈ្នះឡើង ដើម្បីឆ្ពោះទៅដណ្តើមខ្សែក្រវាត់ មាស ប្រាក់ រង្វាន់ ៤០ លាន រៀល ដែល ទី បំផុត ក្ដោបក្ដាប់ បាន ដោយ ឡៅ ចិត្រា ក្នុង ប្រភេទ ទម្ងន់ ៦០ គីឡូក្រាម និង (អេលីត ចំរើន / វ៉ាន់ វឿន ) ក្នុង ប្រភេទ ទម្ងន់ ៥៧ គីឡូក្រាម ។ ការប្រកួតតខាងលើនេះតែងព្យាយាមគិតរកអ្វីដែលថ្មី និងផ្ដល់ផលប្រយោជន៍ដល់ការអភិរក្ស និង អភិវឌ្ឍន៍ គុនខ្មែរ ពិសេស ការ ជួយ កសាង ធនធាន មាន សមត្ថភាព សម្រាប់ កម្ពុជា ដើម្បី ប្រជែង យក មេដាយ លើឆាក អន្តរជាតិ ពិសេស ស៊ីហ្គេម ២០២៣ និង ឆ្នាំ បន្តបន្ទាប់ ។
លោក តែម ម៉ឺន បានមានប្រសាសន៍ថា ការប្រកួតបង្កើតយុទ្ធនាការថ្មីក្នុងរដូវកាលទី៣ គឺការប្រកួតដណ្តើមជើងឯកម៉ារ៉ាតុនរៀងរាល់សប្ដាហ៍ដើម្បីផ្ដល់ឱកាស និងច្នៃជើងខ្លាំង រលក ថ្មីឱ្យ ល្បី ខ្ទរខ្ទារ ក្លាយ ជា ពេជ្រ ចែងចាំង នៅ ចន្លោះ ជំនួប គូ ឯក មិត្តភាព ជាតិ និង អន្តរជាតិ លំដាប់ ក(A)ដ៏ កក្រើក គ្រប់ អាទិត្យ ចាប់ពី ថ្ងៃ អាទិត្យ ទី ១២ ខែ កក្ដដា ឆ្នាំ ២០២០ តទៅ ។ រៀងរាល់ សប្តាហ៍ អ្នក ប្រដាល់ គុន ខ្មែរ ជើង ថ្មី ទឹកដៃ មិន ធម្មតា ចំនួន ៤ រូប នឹង ត្រូវ បាន ជ្រើសរើស មក ប្រកួត គ្នា ក្នុង គូ ទី ១ និង គូ ទី ២ លើសង្វៀន អធិរាជ គុន ខ្មែរ ISI PALM- ISI PIPE ដើម្បី ស្វែង រក អ្នក ឈ្នះ ទៅ ប៉ះ គ្នា ក្នុង គូ ទី ៥ ដណ្ដើម ជើងឯក ម៉ារ៉ាតុន ប្រចាំ សប្ដាហ៍ ។ អ្នក ឈ្នះ គូ ទី ៥ នេះ នឹង ទទួលបាន មេដាយ មាស និង ប្រាក់ រង្វាន់ ២ លាន រៀល ។ រីឯ អ្នក ចាញ់ វគ្គ ផ្ដាច់ព្រ័ត្រ នេះ ក៏ នឹង ទទួលបានមេដាយ ប្រាក់និង ថវិកា ១ លាន រៀល ផង ដែរ។
ក្រៅ ពី ការ ប្រកួត ដណ្តើម ជើងឯក ម៉ារ៉ាតុន រវាង ជើង ខ្លាំង ជំនាន់ ថ្មី ក៏ មាន ផង ដែរ ការ ប្រកួត មិត្តភាព គូ រង ឯក និង គូ ឯក លំដាប់ ក(A)នៅ គូ ទី ៣ និង គូ ទី ៤។ សរុបទៅ រៀងរាល់ សប្តាហ៍ លោក អ្នក នឹង បាន ទស្សនា ការ ប្រកួត ជក់ចិត្ត ដិតអារម្មណ៍ ៥ គូ ទាំង គូ ម៉ារ៉ាតុន គូ ពិសេស និង គូ ឯក មិត្តភាព នៅ PNN ។ ក្នុង សបា្តហ៍ បើកឆាក នៃ ជំពូក ថ្មី នេះ ជើងខ្លាំងជំនាន់ថ្មីគីឡូ៥៧បួនរូប៖ កណ្ដាប់ដៃភ្លើង ពុទ្ធ ម៉ាណូយ, រន្ទះជើងគ្មានមេត្តា រឿង សារិទ្ធ, ឥស្សីបោសលាន អេលីត កែវឡុង កណ្ដាប់ដៃសរព្រះរាម លន់ សៀកឡេង នឹង ប្រជែង គ្នា ដេីម្បី ដណ្តើម ប្រាក់២លានរៀល និងមេដាយមាសមួយគ្រឿង នាការប្រកួតជើងឯកម៉ារ៉ាតុន អធិរាជគុនខ្មែរ ISI PALM – ISI PIPE។
នៅ ថ្ងៃ នោះ ដែរ ដៃរហ័សភ្នែកមុត ខេម ចាន់ ប៉ះអ្នកប្រដាល់ចិត្តសឿងមិនរអា ធន់ អៀនឡៃ។ រន្ទះជើងរង្វង់ព្រះចន្ទ ឈឿន ល្វៃ តតាំង ខ្លាចាស់ចង្គូមស្រួច ពុទ្ធ ឆាយរិទ្ធី ក្នុងតំណែងគូមិត្តភាពដ៏ជក់ចិត្ត។ អធិរាជ គុន ខ្មែរ ISI PALM-ISI PIPE រដូវកាល ទី ៣ ផ្សាយផ្ទាល់ នៅលើកញ្ចក់ទូរទស្សន៍ PNN ផេកហ្វេសប៊ុក PNN Sports និងផេកហ្វេសប៊ុក ISI STELL នៅ ថ្ងៃ អាទិត្យ ចាប់ពីម៉ោង ១២ថ្ងៃត្រង់តទៅ៕
ដោយ៖លី ភីលីព
