The Sun នៅថ្ងៃនេះបានចេញផ្សាយថា ក្លឹបបិសាចក្រហម Man United បានចាប់ផ្តើមបង្ហាញបំណង ចង់បានកីឡាករខ្សែបម្រើម្នាក់ របស់ក្លឹប Valencia ដែលមានឈ្មោះថា Geoffrey Kondogbia ។
កីឡាករវ័យ២៧ឆ្នាំស្បែកខ្មៅរូបនេះ ត្រូវបានគេដឹងថា គឺជាកីឡាករម្នាក់ ក្នុងចំណោមកីឡាករ៨នាក់ ដែលក្លឹបបានប្រកាសដាក់លក់ចេញ នៅរដូវក្តៅនេះ ដែលក្នុងនោះមានរួម ទាំងខ្សែប្រយុទ្ធឆ្នើម Ferran Torres ផងដែរ ដោយសារតែបញ្ហាហិរញ្ញវត្ថុរបស់ក្លឹប។
កីឡាករ៨នាក់ ដែលជាកីឡាករឈុតធំរបស់ក្លឹប នឹងត្រូវដាក់លក់នោះ មានដូចជា Dani Parejo, Rodriqo Moreno, Goncalo Guedes, Jasper Cillesen, Denis Cheryshev និងកីឡាករ Kevin Gameiro ព្រមទាំងកីឡាករឆ្នើម ជាគោលដៅរបស់ក្លឹប Man City កីឡាករ Ferran Torres ផងដែរ៕
ប្រែសម្រួល៖ស៊ុនលី
