អតីតកីឡាកររបស់ក្លឹប Man City និង Barcelona កីឡាករ Yaya Toure នៅថ្ងៃនេះត្រូវបានគេជឿជាក់ថា បានចាប់ផ្តើមធ្វើការហ្វឹកហាត់ ជាមួយនឹងក្លឹបថ្មី Leyton Orient ដែលលេងនៅលីគ League Two និងគឺជាលីគលំដាប់ទី៤ របស់អង់គ្លេស។
រូបភាពរបស់ Toure ដែលត្រូវបានក្លឹបបង្ហោះ នៅលើបណ្តាញសង្គម គឺជាព័ត៌មានផ្លូវការហើយ ដែលកីឡាករអាហ្វ្រិករូបនេះ នឹងត្រូវបង្ហាញខ្លួនលេងឲ្យក្លឹបថ្មី នៅពេលដែលរដូវកាលថ្មីមកដល់។ អតីតកីឡាករខ្សែបម្រើឆ្នើមរូបនេះ ធ្លាប់បានលើកពាន La Liga, Premier League និងព្រមទាំង Champion Leagueផងជាមួយនឹង បទពិសោធក្នុងអាជីពរបស់គាត់។
យោងតាមការបញ្ជាក់ របស់ប្រធានក្លឹបលោក Leven Siano បានបញ្ជាក់ថា កីឡាករវ័យ ៣៥ឆ្នាំរូបនេះ បានចុះកុងត្រាជាមួយនឹងក្លឹប ដែលចាប់ផ្តើមមានសុពលភាព ពីខែមករា ឆ្នាំ២០២១ ដល់ខែធ្នូ ឆ្នាំ២០២២។
ប្រែសម្រួល៖ ស៊ុន លី
