អាមេរិក៖ ក្រុមហ៊ុន Microsoft និងសមាគមបាល់បោះជាតិ “NBA” នឹងបង្កើតអ្នកគាំទ្រជាក់ស្តែង ដោយប្រើបច្ចេកវិទ្យា AI ដើម្បីបង្កើតមុខមាត់ពិត នៅលើអេក្រង់ LED កម្ពស់ជាង៥ម៉ែត្រ ដើម្បីជៀសវាងទិលានប្រកួតទទេ អំឡុងពេលមានការរឹតត្បិត និងការពារមេរោគCOVID-19 នេះបើយោងតាមការចេញផ្សាយ ពីគេហទំព័រឌៀលីម៉ែល។
នៅពេលសមាគមបាល់បោះជាតិ ចាប់ផ្តើមរដូវកាលថ្មី ដែលត្រូវបានរំខាន ដោយមេរោគCOVID-19 នាថ្ងៃទី ៣០ ខែកក្កដាខាងមុខនេះនៃ “ ពពុះខ្យល់” របស់ខ្លួននៅទីក្រុង Orlando រដ្ឋ Florida នោះជំហរ អាចមានអ្នកគាំទ្រជាង៣០០ នាក់។ ក្រុមហ៊ុន Microsoft និង NBA បាននិយាយថា ពួកគេបានរួមកម្លាំងគ្នា ដើម្បីដាក់អ្នកគាំទ្រ“ និម្មិត” នៅក្នុងជំហរនៃការប្រកួតនីមួយៗ ដោយប្រើកម្មវិធីរបស់ក្រុមម៉ៃក្រូស និងអេក្រង់ធំ។
ជំហរនិម្មិតនឹងត្រូវបានបំពេញ ដោយអ្នកគាំទ្រដែលប្រើកម្មវិធីក្រុមដើម្បីចូល និងអង្គុយជាមួយគ្នា ដោយប្រើមុខងារថ្មីនៃកម្មវិធី ដែលមានឈ្មោះថា “ របៀបរួមគ្នា” មានន័យថា ធ្វើត្រាប់តាមក្រុមមនុស្ស ដែលអង្គុយក្នុងបន្ទប់។ មន្ត្រី NBA បាននិយាយថា សំឡេងពីអ្នកគាំទ្រជាក់ស្តែង នឹងត្រូវចាក់នៅលើទីលាន និងចាក់ផ្សាយតាមទូរទស្សន៍។ កន្លែងអង្គុយនិម្មិត នឹងត្រូវបានកំណត់ ត្រឹមអ្នកគាំទ្រចំនួន ៣២០ នាក់ ចំនួននេះផ្អែកលើទំហំកន្លែង និងអេក្រង់៕ ដោយ៖លី ភីលីព
