ឡុង ៖ លោក Grigory Rodchenkov អតីតប្រធានទីភ្នាក់ងារ ប្រឆាំងសារធាតុហាមឃាត់ ក្នុងកីឡារបស់ប្រទេសរុស្ស៊ីថ្លែងថា គ្មានអត្តពលិករុស្ស៊ីណាម្នាក់ ត្រូវបានអនុញ្ញាតឲ្យចូលរួម ក្នុងព្រឹត្តិការណ៍អូឡាំពិកក្រុងតូក្យូ ដែលត្រូវបានពន្យារពេល នៅឆ្នាំក្រោយនោះឡើយ ដោយសារតែពួកគេ កំពុងស្ថិតក្នុងស៊ើបសង្កេត ពីសារធាតុហាមឃាត់ ក្នុងកីឡាយោងតាមការចេញផ្សាយ ពីគេហទំព័រជប៉ុនធូដេ ។
ទីភ្នាក់ងារប្រឆាំងសារធាតុ ហាមឃាត់ក្នុងកីឡាពិភពលោក កាលពីខែធ្នូបាន ហាមឃាត់ ប្រទេសរុស្ស៊ីរយៈពេល៤ ឆ្នាំពីព្រឹត្តិការណ៍កីឡាពិភពលោក សំខាន់ៗរួមមានព្រឹត្តិការណ៍ កីឡាអូឡាំពិកទីក្រុង តូក្យូឆ្នាំ ២០២០ និងព្រឹត្តិការណ៍ World Cup ឆ្នាំ ២០២២ នៅប្រទេសកាតាជុំវិញ ទិន្នន័យប្រើប្រាស់សារធាតុសារ ធាតុហាមឃាត់ក្នុងកីឡា។ ប្រទេសរុស្ស៊ីកំពុងប្តឹងឧទ្ធរណ៍ ចំពោះការហាមឃាត់នេះ នៅឯតុលាការអាជ្ញាកណ្តាលកីឡា (CAS) ។
ជនជាតិរុស្ស៊ីមួយចំនួន នឹងនៅតែត្រូវបានអនុញ្ញាតឲ្យចូល រួមប្រកួតនៅព្រឹត្តិការណ៍កីឡាឆ្នាំក្រោយ នៅប្រទេសជប៉ុន ក្នុងនាមជាអ្នកអព្យាក្រឹតភាព ហើយប្រសិនបើពួកគេអាចបង្ហាញថា ពួកគេមិនមែនជាផ្នែកមួយនៃអង្គការ WADA ជឿថា ជាប្រព័ន្ធប្រើប្រាស់សារធាតុហាមឃាត់ ក្នុងកីឡារបស់រដ្ឋ។
ប៉ុន្តែលោក Rodchenkov ជាអតីតប្រធានទីភ្នាក់ងារប្រឆាំង សារធាតុហាមឃាត់ក្នុងកីឡា របស់ប្រទេសរុស្ស៊ីបានហៅនៅក្នុង បទសម្ភាសន៍ជាមួយBBCសម្រាប់ការហាមឃាត់សរុប។ លោកបានមានប្រសាសន៍ថា វាគួរតែជាការហាមឃាត់ដាច់ខាត ដោយគ្មានលេស ឬការទទួលយកអត្តពលិក ។ បុគ្គលិកដដែលដែលបានរត់ពន្ធ និងផ្លាស់ប្តូរគំរូក្នុងអំឡុងពេលសូជី (ហ្គេមរដូវរងាឆ្នាំ ២០១៤) ពួកគេបានក្លែងបន្លំឯកសារទាំងអស់ ៕ ដោយ៖លី ភីលីព
