កីឡាករខ្សែប្រយុទ្ធ Pierre Emerick Aubameyang និងអនាគតជាមួយនឹងក្លឹបកាំភ្លើងធំ ត្រូវបានគេមើលឃើញថា កាន់តែស្ថិតនៅក្នុងភាព មិនច្បាស់លាស់ ខណៈដែលរដូវកាលបញ្ចប់ទៅ Arsenal បានត្រឹមលេខ៨ប៉ុណ្ណោះ គឺគ្មានឈ្មោះសូម្បីតែលេងនៅ Europa League ឆ្នាំក្រោយ។
ប៉ុន្តែទោះបីជាយ៉ាងណាក្តីយោង តាមការចេញផ្សាយរបស់ The Mirror បានសរសេរថា ការសម្រេចចិត្តចុងក្រោយ គឺនឹងអាចធ្វើឡើងនៅក្នុង ខែសីហាខាងមុខពោល គឺការប្រកួតផ្តាច់ព្រ័ត្រពានរង្វាន់ FA Cup ជាមួយនឹង Chelsea ដែលជាឧិកាសតែមួយគត់ប្រសិនបើ Arsenal ឈ្នះនោះក្លឹបនឹងអាចមានសិទ្ធស្វ័យប្រវត្តិចូលរួមលេង Europa League រដូវកាលក្រោយជាធម្មតា។
កីឡាករវ័យជ្រេបន្តិចរូបនេះ កំពុងមានទីផ្សារខ្លាំងមិនខ្វះក្លឹបខ្លាំងៗ ដែលមានឈ្មោះ លេងនៅ Champion League ចង់បានរូបគាត់ឡើយហើយម្យ់ាង ក៏ជាកីឡាករ ដែលមានទំរង់លេងខ្លាំងដដែលនៅរដូវកាចុងក្រោយនេះ ដោយអាចរកគ្រាប់បាល់ ដល់ទៅ២៧គ្រាប់ផងដែរ៕
ប្រែសម្រួល៖ស៊ុនលី
