ក្រុម Manchester City នឹងត្រូវប្រកួតជាមួយក្រុម Lyon នៅម៉ោង២រំលងអាធ្រាត្រនេះហើយ សម្រាប់វគ្គ៨ក្រុមចុងក្រោយ ពានរង្វាន់ UEFA Champions League ។
មុនការប៉ះ Lyon នៅរាត្រីនេះ លោក Pep បានបញ្ជាក់ថា ក្រុមរបស់លោកមានភាគរយ និងកម្លាំងចិត្តកាន់តែខ្លាំងបន្ថែមទៀត ក្រោយពីឈ្នះក្រុម Real Madrid ។ ដោយអតីតអ្នកចាត់ការក្រុម Barcelona ខាងលើនេះ បានចាត់ទុកក្រុមរបស់ លោក Zidane ថាជាស្ដេចនៃពានរង្វាន់ UEFA Champions League ហើយ ក្រោយពីពួកគេជោគជ័យខ្លាំងជាងគេ។
លោក Pep និយាយបែបនេះថា៖ “ជារឿងសំខាន់ណាស់ ដែលយើងអាចលេងឈ្នះក្រុមស្ដេចនៅ UCL ។ តែនៅពេលយើងលេងតែ១ជើង ដើម្បីកាត់សេចក្ដីយកក្រុមឈ្នះ អ្វីទាំងអស់ក៏អាចកើតឡើងបានដែរ។ វាពិតជាប្លែក ពេលអ្នកលេងជើងទី១ ហើយយើងត្រូវគិតនៅជើងទី២ទៀត តែម្ដងនេះយើងត្រូវលេងកាត់ក្ដីតែ១ប្រកួតប៉ុណ្ណោះ”៕
ប្រភព៖ Marca អត្ថបទ៖ ប្រុស យុទ្ធ
