យើងបានដឹងហើយថា កីឡាករវ័យ២០ឆ្នាំ Jadon Sancho បានក្លាយទៅជាគោលដៅដ៏ធំបំផុត របស់ក្លឹបបិសាចក្រហម Man United នៅរដូវក្តៅនេះ ប៉ុន្តែតាមការលើកឡើង របស់អតីតកីឡាករ ខ្សែបម្រើម្នាក់ របស់ហង្សក្រហម Liverpool ម្នាក់បាននិយាយថា កីឡាករគួរតែរង់ចាំ យ៉ាងហោចណាស់មួយឆ្នាំទៀតសិន។
ខ្សែប្រយុទ្ធស្លាបរបស់ Dortmund រូបនេះ គួរតែបដិសេធសំណើរបស់ Man United ទោះក្នុងទំហំណាក្តី ដើម្បីនឹងមានជម្រើសកាន់តែច្រើន កាន់តែល្អបន្ថែមទៀត សម្រាប់រដូវកាលក្រោយ ដែលក្នុងនោះមានដូចជា ក្លឹប Liverpool និង Chelsea ផងដែរ។
គួរបញ្ជាក់ដែរថា កីឡាករខ្សែប្រយុទ្ធស្លាបរបស់ Dortmund រូបនេះ ស្ទើរតែបានសម្រេចចិត្តផ្ទេរ ទៅលេងនៅ Old Trafford ទៅហើយ ប៉ុន្តែបានខកខាន នៅនាទីចុងក្រោយទៅវិញ៕
ប្រែសម្រួល៖ស៊ុនលី
