The Marca របស់អេស្បាញនៅថ្ងៃពុធនេះ បានសរសេរថា ក្លឹបយក្ស Atletico Madrid ត្រូវបានគេដឹងថា នៅតែមានបំណង ចង់បានកីឡាករខ្សែប្រយុទ្ធ របស់កាំភ្លើងធំ Alexandre Lacazette ដដែលរហូតមកដល់ពេលនេះ។
ក្លឹបបានដឹងហើយថា ស្ថិតនៅក្នុងស្ថានភាពហិរញ្ញវត្ថុបែបនេះ ខ្លួនបានដឹងថា នឹងត្រូវចំណាយតម្លៃខ្លួនកីឡាកររូបនេះច្រើនណាស់ ប៉ុន្តែជាក់ស្តែងកីឡាកររបស់ក្លឹបចំនួន៣ ត្រូវបានត្រៀម ដើម្បីធ្វើការដោះដូរគ្នាផងដែរ ដែលក្នុងនោះមានដូចជា Lemar, Correa និង Vitolo ផង។
រំលឹកដែរថាកាលពីខែមករាកន្លងទៅ Arsenal បានបដិសេធម្តងហើយ សំណើសុំទិញ Lacazette ពីក្លឹប AT Madrid ប៉ុន្តែជឿជាក់ថា ក្លឹបអេស្បាញនឹងនៅតែបន្ត ការព្យាយាមម្តងទៀតជាមិនខាន៕
ប្រែសម្រួល៖ស៊ុនលី
