តូក្យូ ៖ នាយករដ្ឋមន្រ្តីជប៉ុន លោកស៊ីនហ្សូ អាបេ គឺជាផ្កាយមួយនៅក្នុង ពិធីបិទការប្រកួតកីឡាអូឡាំ ពិក Rio de Janeiro “2016 Rio de Janeiro Olympics” ឆ្នាំ ២០១៦ ដោយដើរដង្ហែក្បួននៅពហុកីឡដ្ឋាន Maracana Stadium ដើរជាតួអង្គហ្គេម Nintendo game ឈ្មោះ Super Mario យោងតាមការចេញផ្សាយ ពីគេហទំព័រជប៉ុនធូដេ។
ការអញ្ជើញបែបលេងសើច របស់លោកអាបេទៅអូឡាំពិក លើកក្រោយនៅតូក្យូ គឺជាការចាប់ អារម្មណ៍យ៉ាងខ្លាំង ពីសំណាក់អ្នកគាំទ្រប្រេស៊ីល និងសម្រាប់ទស្សនិកជន ទូរទស្សន៍ទូទាំងពិភពលោក ។ វាបង្ហាញថា លោកអាបេនឹង មិននៅក្បែរនោះទេ យ៉ាងហោចណាស់ ក៏មិនមានសមត្ថភាព ជាផ្លូវការដែរនៅពេលការពន្យារពេល កីឡាអូឡាំពិក គ្រោងនឹងបើកនៅថ្ងៃទី ២៣ ខែកក្កដាឆ្នាំ ២០២១ ។ លោកបានប្រកាស កាលពីថ្ងៃសុក្រថា លោកមានបំណងចុះចេញពីតំណែង ដោយសារតែបញ្ហាសុខភាពរ៉ាំរ៉ៃ។
អ្វីដែលហួសចិត្តនោះនាយករដ្ឋមន្រ្តី មានអាយុកាលយូរជាងគេ របស់ប្រទេសជប៉ុន នឹងស្ថិតនៅក្នុងប្រអប់ VIP រួមជាមួយប្រធាន គណៈកម្មាធិការអូឡាំពិក អន្តរជាតិThomas Bach បានបើកការប្រកួត ដូចដែលបានគ្រោងទុក កាលពីមួយខែមុនហើយមិនបានរងគ្រោះ ដោយសារជំងឺរាតត្បាតCOVID-19។
លោក Jeff Kingston បង្រៀននយោបាយជប៉ុន នៅសាកលវិទ្យាល័យ Temple ក្នុងទីក្រុងតូក្យូបានសរសេរ ក្នុងអ៊ីម៉ែលថា ខ្ញុំគិតថារឿងនេះនឹងមិនមានអ្វីប្លែកទេ ។ កីឡាអូឡាំពិក ទទួលបានអត្ថប្រយោជន៍ ពីការគាំទ្ររបស់លោក ប៉ុន្តែពេលនេះស្ថានភាពគឺហួសពីការគ្រប់គ្រង របស់នាយករដ្ឋមន្រ្តី។ អ្នកស្នងតំណែង របស់លោកប្រហែលជាមិនខ្វល់ច្រើនទេ ប៉ុន្តែភាគច្រើនពឹងផ្អែកលើ IOC គណៈកម្មាធិការរៀបចំ ទីក្រុងតូក្យូ និងសហព័ន្ធកីឡានៅជុំវិញពិភពលោក៕
ដោយ៖លី ភីលីព
