ខ្សែប្រយុទ្ធ Lionel Messi កំពុងលេងសង្រ្គាមចិត្តសាស្ត្រ ជាថ្នាក់ដឹកនាំក្លឹប FC Barcelona ហើយ ដោយរូបគេចង់ចាកចេញ នៅរដូវកាលនេះ បើទោះជាសល់កុងត្រា១ឆ្នាំទៀតក៏ដោយ។
ខណៈពេលកំពុងចរចាគ្នា យ៉ាងខ្លាំងនេះដែរ មានកីឡាករម្នាក់ក្នុងក្រុម Barcelona ត្រូវបានគេដឹងថា សុំទទួលរ៉ាប់រងអាវលេខ១០ហើយ បើសិនជា Messi ពិតជាចាកចេញមែន។ កីឡាករម្នាក់នោះគឺខ្សែប្រយុទ្ធចំណូលថ្មី Braithwaite ដែលក្លឹបទើបទិញចូល កាលពីខែមករាកន្លងទៅដើមឆ្នាំនេះ ។
Braithwaite ជាខ្សែប្រយុទ្ធដែលក្រុម Barcelona ទិញមកពីក្រុម Leganes ។ រូបគេត្រូវបានគេដឹងថា បានសុំអាវលេខ១០ពាក់ នៅរដូវកាលថ្មីខាងមុខ ប្រសិនបើ Messi ពិតជាចាកចេញទៅមែន ។ បច្ចុប្បន្ននេះ កីឡាករវ័យ២៩ឆ្នាំ ពាក់អាវលេខ១៩ និងមានកុងត្រាជាមួយក្រុមអ្នក មានបុណ្យដល់ឆ្នាំ២០២៤ឯណោះ។ តាំងពីផ្លាស់មក រូបគេលេង១១ប្រកួត រកបានតែ១គ្រាប់ប៉ុណ្ណោះ ៕
ប្រភព ៖ sabay
